Lýst er eftir nektarmyndbandi af Júlíu Birigsdóttur, sem fjallað var um í Kastljósinu og Stundinni, á vefsíðunni Chansluts. Vefsíðan hefur verið til rannsóknar hjá lögreglu vegna dreifingar á klámmyndum af íslenskum stúlkum.
„Á einhver myndbandið sem var talað um í Kastljósinu?“ spyr stofnandi þráðsins á síðunni þar sem nektarmyndum af stúlkum allt niður í fermingaraldur er deilt. Þar vísar notandinn til umfjöllunar Kastljós um mál Júlíu Birgisdóttur en hún varð fyrir því að maður sem hún átti í sambandi við tók upp myndband af henni er þau voru saman og deildi því á netinu. Horft hefur verið á myndbandið í hundruð þúsunda skipta. Júlía kærði málið til lögreglu og höfðaði á sama tíma einkarefsimál.
Ítrekað hefur verið fjallað um síðuna Chansluts í fjölmiðlum undanfarin ár. Á síðunni skiptast notendur á nektarmyndum af ungum íslenskum stúlkum. Allir notendur á síðunni eru nafnlausir, líkt og er venja á svokölluðum chan-síðum. Segja má að síðan sé helsta birtingarmynd hefndarkláms á Íslandi, en í fæstum tilvikum eru nektarmyndirnar ætlaðar í almenna dreifingu á netinu.
Athugasemdir