„Húrra biðjast afsökunar á ömurlegum dyraverði sem var í partýinu í gær og munu sjá til þess að hann verði aldrei aftur í dyrunum hjá þeim,“ segir Facebook-síðu Druslugöngu pepp partý sem haldið var í gær. Samkvæmt einum skipuleggjanda veislunnar var umræddur dyravörður með dónaskap í garð kvenkyns gesta og krafðist þess af sumum þeirra sem voru í röð að þær færu í sleik hver við aðra til að komast inn á staðinn.

„Við vorum miður okkar þegar við heyrðum að hann væri að angra viðskiptavini og létum strax vita, eigandi Húrra tekur þessu mjög alvarlega og vill aldrei sjá þetta gerast aftur. Við biðjum þá sem dyravörðurinn angraði innilega afsökunar,“ segir enn fremur á Facebook-síðu pepp partýsins.

Dyravörðurinn á Druslukvöldinu var að byðja stelpurnar að fara í sleik til þess að komast inn.

— álfheiðurmarta (@alfheidurmarta) July 22, 2015

Stundin ræddi við Helgu Lind Mar, einn skipuleggjanda partýsins í gær, og segist hún hafa fengið símtal frá Jóni Mýrdal í morgun vegna dyravarðarins. „Dyravörðurinn var að klæmast í einhverjum stelpum í röðinni, það var fjörutíu metra röð þarna fyrir utan. Hann var að segja stelpum að þær kæmust inn fyrr ef þær færu í sleik við hvor aðra. Við fengum símtal frá Húrra í morgun og Húrra baðst innilega afsökunar og að sagði að þessi maður myndi aldrei aftur vera aftur ,“ segir og bætir við að viðbrögð skemmtistaðarins hafi verið til fyrirmyndar. Drusluganga verður gengin næstkomandi laugardag.

Ekki náðist í Jón Mýrdal, eiganda Húrra, við vinnslu fréttarinnar.