„Það loga kerti víða í Hafn­ar­firði, sendum ljós og styrk til drengs­ins og fjöl­skyldu hans.“ Þetta skrifar Harpa Ein­ars­dóttir fata­hönn­uður á Facebook-síðu sína í dag um slysið sem varð í Hafn­ar­firði í gær þar sem ungir bræður voru hætt komnir eftir að hafa lent í læknum við Reyk­dals­stíflu. Drengirnir eru fæddir árin 2002 og 2005, en yngri bróð­urnum er haldið sof­andi í önd­un­ar­vél á gjör­gæslu­deild Land­spít­al­ans. Eldri bróð­ir­inn komst til með­vit­undar í gær eftir lífg­un­ar­til­raunir. 

Harpa seg­ist ganga fram­hjá þessum stað á næstum hverjum degi og hún hafi oft velt fyrir sér hversu hættu­leg stíflan sé. Dóttir Hörpu, Hrafn­hildur Sunna, og skóla­fé­lagar hennar í Lækja­skóla horfðu á atburða­rás­ina frá upp­hafi til enda frá skól­anum, sem er nærri slys­staðnum. Að sögn Hörpu var vin­kona Sunnu, sem er í tíunda bekk, ein þeirra sem dró annan dreng­inn á þurrt.