Á síð­ustu árum hefur hag­vöxtur auk­ist og krónan styrkst, um leið og virð­is­auka­skattur hefur lækkað og margir tollar afnumdir. Þjóð­hags­spá Hagstofu Íslands gerir ráð fyrir 4,8% hag­vexti í ár, og verð­bólga er í sögu­legu lág­marki í 2,1% árið 2016. Þrátt fyrir það segir deild­ar­stjóri hag­deildar ASÍ, Henný Hinz, að þessi staða hafi ekki skilað sér að fullu til neyt­enda með lægra verð­lagi.

Alþýðu­sam­bandið hefur mark­visst fylgst með verð­lags­þróun á mat­vælum og öðrum vörum frá árinu 1990, og gefur reglu­lega út verðkann­anir og grein­ingu á neyslu­mynstri. Þar skoðar sam­bandið ekki verð­lag á ein­stakar vörur heldur stóra vöru­flokka í heild sinni, eins og þeir eru sund­ur­lið­aðir í vísi­tölu neyslu­verðs frá Hagstofu Íslands.

Henný segir að verð­lag á Íslandi sé hátt miðað við önnur lönd. „Almennt skoðar maður sam­an­burð á gengi, hvert vel­ferð­ar­stig lands­ins er og hvernig launin eru. Verðlag ræðst mjög mikið af þessu þrennu og er oft lágt þar …