Almannatengslafyrirtækinu KOM var falið að boða fjölmiðla á kynningarfund um skýrslu nefndar Eyþórs Arnalds um rekstur Ríkisútvarpsins í síðustu viku.
Samkvæmt ársreikningi KOM fyrir árið 2014 er Magnús Ragnarsson, sem hætti sem aðstoðarmaður Illuga í menntamálaráðuneytinu sama ár, stjórnarmaður í fyrirtækinu. Þá er hann stjórnarformaður þess samkvæmt gildandi skráningu í hlutafélagsskrá.
Friðjón R. Friðjónsson, almannatengill og áhrifamaður í Sjálfstæðisflokknum sem gegndi um tíma starfi aðstoðarmanns Bjarna Benediktssonar á síðasta kjörtímabili, sendi út fréttatilkynninguna um kynningarfundinn fyrir hönd nefndarinnar.
Eyþór Arnalds segir í samtali við Stundina að nefndinni hafi sjálfri verið falið að standa að kynningu á efni skýrslunnar. Fyrirtækið KOM hafi verið fengið til verksins, enda sé það með aðsetur í sömu byggingu og Eyþór starfar, og menntamálaráðuneytið greiði fyrir þjónustuna.
Kynningin vandlega skipulögð
Þórður Snær Júlíusson, ritstjóri Kjarnans, gerði kynningu RÚV-skýrslunnar að umtalsefni í pistli um helgina. „Á fimmtudag var kynnt skýrsla um RÚV. Í aðdragandanum var upplýsingum úr henni lekið í valda fjölmiðla og kynning hennar vandlega skipulögð af almannatengslafulltrúa sem vinnur mikið fyrir helstu leikendur í Sjálfstæðisflokknum,“ skrifaði hann.
Fjölmiðlamál
Öll stærri einkarekin fjölmiðlafyrirtæki rekin með tapi fyrir greiðslu fjölmiðlastyrkja
Hundruð milljóna taprekstur fjölmiðla telst ekki til fjárhagserfiðleika
Kolbrún og Kristín óska eftir rökstuðningi frá RÚV
Tengja uppsagnir hjá Morgunblaðinu við kjarabaráttu: „Þér kemur einfaldlega ekkert við hvað ég er með í laun“
Eyþór Arnalds: „Ósæmilegt að segja að Samherji sé einhvers konar mútufélag“
Athugasemdir