Stjórnendur RÚV sprengja fjárlagaramma

Svört skýrsla. Unnið eftir röngum áætl­unum. Ungt fólk hætt að horfa. Stefnir í tap­rekstur áfram. RÚV ohf. hefur tapað 813 millj­ónum frá 2007. Rekstur óhag­stæð­ari en hjá 365. Sligandi skuldir

Svart útlit
Svart útlit Rekstur RÚV og efna­hagur er í ólestur ef marka má nýja skýrslu. Stjórn­mendur vinna sam­kvæmt röngum áætl­unum. Mynd: Kristinn Magnússon

Ný skýrsla nefndar Eyþórs Arnalds leiðir í ljós að rekstur RÚV ohf. frá stofnun félags­ins árið 2007 hefur ekki verið sjálf­bær. Skýrslan er kolsvört og í raun áfell­is­dómur yfir stjórn­endum félags­ins fyrr og nú. Halla­rekstur hefur verið fjár­magn­aður með auknum rík­is­fram­lögum. Þá er því lýst í skýrsl­unni að áætl­anir árs­ins í ár séu mið­aðar við hækkun útvarps­gjalds sem ekki hafi orðið að veru­leika. Þar stefnir því í óefni. Næsta ár lítur illa út hvað rekstur varðar. Sligandi skuldir eru á félag­inu og rekst­ur­inn í ólestri ef litið er til áætl­ana.

Nefndin gerði sam­an­burð á rekstri RÚV og á útvarps- og sjón­varps­sviði 365. Það leiddi í ljós að RÚV er rekið með mun meiri til­kostn­aði og því óhag­stæð­ari. Þá er því lýst að lög­bundið eft­ir­lit með rekstr­inum er ekki virkt. 

Samkvæmt skýrsl­unni er fram­tíðin hjá RÚV dökk. Mikil breyt­ing í hegðun neyt­enda hefur orðið til þess að mik­ill sam­dráttur er í áhorfi á hefð­bundna sjón­varps­dag­skrá. Ungt fólk í hópi áhorf­enda hefur í mestum mæli yfir­gefið RÚV. Nefndin lætur í ljósi það álit að nauð­syn­legt sé að end­ur­skoða hlut­verk RÚV í ljósi þess­arar stöðu. Gera verði nýjan þjón­ustu­samn­ing í sam­ræmi við lög nr. 23/2013 og í honum verði skil­greind sú þjón­usta sem RÚV ber að sinna og hvaða fjár­munir eigi að koma fyrir þá þjón­ustu út samn­ings­tím­ann. Með þeim samn­ingi náist að ramma betur inn hlut­verk, skyldur og for­gangs­röðun RÚV.

Skýrslu­höf­undar láta í ljósi efa­semdir um að ohf. rekstr­ar­formið sé heppi­legt fyrir starf­semi RÚV þar sem reynslan sýni að félagið er ekki rekið með tak­mark­aðri ábyrgð þegar ávallt er gert ráð fyrir að rík­is­sjóður rétti af fjár­hag félags­ins. Þá er bent á það að óhag­stæður samn­ingur hefði verið gerður við Vodafone. Stjórn­völd hefðu getað lokið ljós­leið­ara­væð­ingu lands­ins fyrir sömu fjár­hæð og Vodafone fékk fyrir samn­ing­inn. Þá er sett spurn­ing­ar­merki við að  RÚV sé á aug­lýs­inga­mark­aði. Spurt er hvort RÚV sé best til þess fallið að „ná fram mark­miðum rík­is­ins sem snúa að íslenskri menn­ingu, tungu og lýð­ræð­isum­ræðu”. Loks velta skýrslu­höf­undar því upp hvort hægt að fá betri nýt­ingu á fjár­veit­ingar rík­is­sjóðs til stofn­un­ar­innar.

Skýrsl­una má lesa í heild sinni hér. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár