Þessi færsla er meira en 2 ára gömul.

Efnisorð: Kærleikur og góðvild eða reglugerð?

Efnisorð: Kærleikur og góðvild eða reglugerð?

Grátandi móðir, námfúsar systur, sonur í hjólastól, fylgdarlaust barn (nýorðið sjálfráða), lögregla, handtaka, gæsluvarðhald og leiguflug beint á götuna í Grikklandi, engin leið til baka. Fylgdarliðið er þó komið aftur í hlýjuna.

Dómsmálaráðuneytið sendi frá sér fréttatilkynningu um málið. Efnisorð hennar eru tvö: Löggæsla. Útlendingar. Neðar stendur svo: Til baka. Já förum til baka.

Flestum ofbýður aðferðir löggæslunnar en dómsmálaráðherra virðist ekki næmur á sársauka annarra. Hann gerir tilraun til að setja sig í spor þeirra sem líður illa yfir aðförunum en tekst það bara ekki. Lögreglan virðist því miður eiga eftir að tileinka sér eigin siðareglur og telur að hlýðni sé æðsta dygðin (Hlýðni er ekki dygð).

Viljum við venjast þessu?

Í fréttatilkynningunni 4. nóvember berskjaldar dómsmálaráðuneytið sig. Þar er okkur sagt hvernig þetta er og ráðherra bætir svo við að svona sé þetta vikulega. Málið er þá bara að venjast þessu? Nei, takk.

Við keppumst við að kenna börnum góðvild og samkennd í skólum en búum svo við ráðherra sem setur önnur gildi ofar þegar þýðingarmiklar ákvarðanir eru teknar. Við erum alltaf ábyrg, hjá því verður ekki komist.

Í kaflanum í fréttatilkynningunni „Aðstæður í Grikklandi“ stendur ekkert um aðstæður fólks. (Enda kom í ljós í Kveikþætti á RÚV að enginn hefur farið út til að kanna þær). Í tilkynningunni stendur aðeins að það brjóti EKKI í bága við 42. gr. laga um útlendinga að endursenda.

Núþegar hefur UNICEF, Þroskahjálp, Rauði krossinn, Rektor FÁ, Tabú og ýmis mannréttindasamtök mótmælt þessari endursendingu harðlega og fólk safnast saman á Austurvelli til að mótmæla. En skilaboðin frá ráðuneytinu eru: Við brutum engin lög eða reglugerðir, við megum þetta. En efnisorðin sem vantar í fréttatilkynningu dómsmálaráðuneytisins eru: 

Mannúð. Góðvild. Vinsemd.
Samkennd. Virðing.

Nú er ekki tími til að ræða reglugerðir og leyfa „skynseminni“ að meta kalt rök með og á móti, ekki tími til að telja hausa og ekki tími til að skoða eitthvað í heildarsamhengi eins og oft er sagt þegar málum er klúðrað. Nú er tími til að fara til baka í merkingunni að vanda sig og að spyrja um mannréttindi fólks með nöfn sem stendur andspænis ógn. 

Efnisorð: Kærleikur

Við erum að tala um einstaklinga af holdi og blóði, einstaklinga með nöfn og fjölskyldu sem var stungið grátandi inn í lögreglubíla, fjölskyldu í áfalli og í hættu, fjölskyldu sem við höfum nú þegar skaðað. 

Efnisorðin eru ekki löggæsla og útlendingar heldur kærleikur og góðvild.

Já, förum til baka!

#ekkiímínunafni

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Fleiri færslur frá höfundi

Tilfinningamál fyrir langreyðar

Til­finn­inga­mál fyr­ir lang­reyð­ar

Um­ræða um af­líf­un hvala í land­helgi Ís­lands fór fram í Viku­lok­un­um á Rás 1, laug­ar­dag­inn 13. maí 2023. Þar voru rædd­ar slá­andi nið­ur­stöð­ur í skýrslu Mat­væla­stofn­un­ar um með­ferð á lang­reyð­um, hvort rétt­læt­an­legt væri að veiða hvali með þeim hætti sem gert er. Vel­ferð þeirra er aug­ljós­lega fórn­að fyr­ir óljósa hags­muni en dauða­stríð­ið er oft veru­lega lang­vinnt og sárs­auka­fullt....
Furðulegt frumvarp um áfengislög kolfellur

Furðu­legt frum­varp um áfeng­is­lög kol­fell­ur

Frétta­fyr­ir­sagn­ir um breyt­ing­ar á áfeng­is­lög­um, til að rýmka af­greiðslu­tíma Vín­búða og gefa þeim leyfi til að selja áfengi um helg­ar og á frí­dög­um, eru á þessa leið: „Áfeng­is- og tób­aksversl­un rík­is­ins set­ur sig ekki upp á móti frum­varpi þing­manna Fram­sókn­ar­flokks­ins um rýmri af­greiðslu­tíma vín­búða.“ (RÚV) og „ÁTVR leggst ekki gegn rýmk­un“ (MBL). „Af­nám banns gæti rýmk­að opn­un­ar­tíma...
Barnamálaráðherra vs. dómsmálaráðherra

Barna­mála­ráð­herra vs. dóms­mála­ráð­herra

For­varn­ir styðj­ast við lög og reglu­gerð­ir um hvað er leyfi­legt og bann­að og hvar mörk­in liggja. Til­slök­un á regl­um sem tengj­ast alkó­hóli geta þurrk­að út ár­ang­ur sem hef­ur feng­ist með for­vör­un. Nefna má að í könn­un ár­ið 1995 kom fram að 80% tí­undu bekk­inga höfðu smakk­að áfengi. Ný könn­un sýn­ir að 30% tí­undu bekk­inga hafa smakk­að áfengi. Þessi ár­ang­ur get­ur...

Ára­móta­heit­in: 3. Að hætta að drekka áfengi

Við ára­mót er vin­sælt að stíga á stokk og strengja þess heit að hætta ein­hverju eða byrja á ein­hverju. Hér er pist­ill handa þeim sem lang­ar til að hætta að drekka áfengi en það er eng­inn skort­ur á ástæð­um og rök­um fyr­ir slíkri ákvörð­un. Alkó­hól er ávana­bind­andi efni og neysl­an er samof­in sam­skipt­um í sam­fé­lag­inu, það telst því tölu­verð áskor­un...

Mest lesið á blogginu

Af samfélagi
1
Blogg

Af samfélagi

Jafn­að­ar­sam­fé­lag­ið: Auk­in lífs­gæði, jafn­ari tæki­færi og meiri sam­heldni

Ís­lenskt sam­fé­lag hef­ur lengi vilj­að jöfn­uð með­al borg­ar­anna – við höf­um jafn­vel stært okk­ur af jöfn­uði og ver­ið stolt af því að ójöfn­uð­ur hafi ekki auk­ist á með­an það hef­ur ver­ið raun­in ann­ars stað­ar. Og um margt byggð­um við upp sam­fé­lag jöfn­uð­ar, þar sem mun­ur­inn á að­stæð­um og tæki­fær­um fólks var ekki of mik­ill. En við vik­um af braut jöfn­uð­ar...

Nýtt efni

Engin svör borist frá Bakkavararbræðrum
Fréttir

Eng­in svör borist frá Bakka­var­ar­bræðr­um

Kjara­deilu starfs­fólks í verk­smiðju Bakka­var­ar í Bretlandi er hvergi nærri lok­ið. Sendi­nefnd á veg­um breska stétt­ar­fé­lags­ins kom ný­ver­ið til lands­ins til að ná at­hygli bræðr­anna Lýðs og Ág­ústs Guð­munds­sona og þrýsta á þá til að beita sér fyr­ir því að leysa úr kjara­deil­unni. Eng­in svör hafa borist frá bræðr­un­um og út­lit er fyr­ir að verk­falls­að­gerð­ir fé­lags­manna muni drag­ast fram yf­ir des­em­ber.
„Við mætum í vinnuna til þess að sigra“
Á vettvangi

„Við mæt­um í vinn­una til þess að sigra“

Kona sem sit­ur á bið­stofu með fleira fólki er að grein­ast með heila­æxli og það þarf að til­kynna henni það. En það er eng­inn stað­ur sem hægt er að fara með hana á, til að ræða við hana í næði. Í ann­an stað er rætt við að­stand­end­ur frammi, fyr­ir fram­an sjálfsal­ann en þá fer neyð­ar­bjall­an af stað og hama­gang­ur­inn er mik­ill þeg­ar starfs­fólk­ið hleyp­ur af stað. Í fjóra mán­uði hef­ur blaða­mað­ur ver­ið á vett­vangi bráða­mót­tök­unn­ar á Land­spít­al­an­um og fylgst með starf­inu þar.