Þessi færsla er meira en 5 ára gömul.
Ísland aftur á miðaldir - allt vegna 3ja orkupakkans
Páskarnir 2019 voru síðustu páskarnir sem Íslendingar gátu eldað sér sína páskasteik í friði og ró – og etið nægju sína. Nokkrum vikum síðar samþykkti nefnilega Alþingi 3ja orkupakka ESB og eftir það fór allt fjandans til.
Hingað til lands voru lagðir sæstrengir í alla fjórðunga og það voru vondir menn frá Brussel sem gerðu það – menn sem hefur dreymt í áratugi að komast í íslenskt rafmagn og mergsjúga íslenskt orkukerfi. Það hafði nefnilega aldrei verið gert áður.
Alþingi fékk ekki rönd við reist, hingað streymdu jakkafataklæddir með skjalatöskur til landsins, með bréf frá Jean Claude Juncker, upp á vasann, þess efnis að þeir mættu leggja sæstrengi eins og þeim sýndist og hirða alla grænu - vistvænu, íslensku orkuna.
Ísland varð eins og kolkrabbi, með anga út um allt, sem voru sæstrengirnir. Það var meira að segja lagður stengur til Grænlands og nú eru öll snjóhúsin á Grænlandi upplýst, með sjónvarpi og örbylgjuofni!
En Ísland var í myrkri; allt líf í íslensku samfélagi nánast lagðist af; landbúnaðurinn hrundi og enga mjólk var að fá, þar sem ekki var hægt að mjólka kýrnar, vegna vondra Brussel-manna!
Allir nýju rafbílarnir stóðu hreyfingarlausir, rúllustigarnir í Leifsstöð rúlluðu ekki og ekkert var hægt að kaupa í Duty-Free, engir posar virkuðu! Allir sem voru að flýja land vegna samþykktar 3ja orkupakkans fóru því tómhentir frá elsku eyjunni sinni.
Sjónvarp, útvarp, kvikmyndasýningar og skemmtanalíf lagðist af og endurnar á Tjörninni flúðu, vegna þess að ekki var hægt að kaupa brauð í búðunum, sem voru rafmagnslausar.
Þingfundir og fundir ríkisstjórnar voru haldnir við kertaljós. En gott ef að sumir ráðherrarnir urðu ekki bara ,,mýkri“ í útliti við kertaljósið!
Allt vegna 3ja orkupakkans!
Ísland varð kalt og napurt, það sökk aftur í ástand sem jafnaðist á við Móðuharðindin.
En fyrir andstæðinga hans var þetta draumur í dós, lífið varð aftur einfalt og þægilegt, fullkomlega sjálfstætt og fullkomlega fullvalda. Enginn skyldi aftur segja sjálfum Íslendingum hvað ætti að gera og hvað ekki. ÞEIR væri sínir eigin HERRAR! Framtíðin var BJÖRT!
Allt vegna 3ja orkupakkans!
Fleiri færslur frá höfundi
Ófriðarský
Sagan segir að á þessum degi, 11/11, kl. 11.11 árið 1918 hafi síðustu skotunum í fyrri heimsstyrjöld verið skotið og þá hafi tekið gildi vopnahlé, sem þýddi endalok þeirrar slátrunar sem þetta skelfilega stríð var. Aldrei hafði mannkynið séð aðra eins ,,skilvirkni“ i slátrun á fólki. Vélbyssur, eiturgas, fallbyssur og sprengjur, sem ,,sprengdu“ alla skala. Ef það er eitt orð sem lýsir þessu stríði...
Úkraína og baráttuvilji Vesturveldanna
Á tímum þess sem kallaðist ,,Kalda stríðið" og stóð frá árunum 1945-1991 um það bil, voru háð nokkur stríð þar sem risaveldin, Bandaríkin og Sovétríkin (1922-1991) háðu grimmilega baráttu um forræðið í heiminum. Skyldi heimurinn vera kapítalískur með ,,Kanann" sem leiðtoga eða kommúnískur undir stjórn Rússa/Sovétríkjanna? Eitt þessara stríða var Víetnam-stríðið en um þessar mundir eru einmitt liðin um 55...
Hungurleikar Pútíns grimma
Sá atburður sem mun líma árið 2022 í minni mannkyns er innrás og stríð Vladimírs Pútíns gegn Úkraínu. Árásarstríð sem ,,keisarinn“ í Kreml (Pútín forseti ræður nánast öllu í Rússlandi), hóf þann 24. febrúar á þessu ári og sendi þar með her sinn, sem sagður var á ,,æfingu“, til innrásar á helstu vinaþjóð Rússa. Lítið er um vinaþel, eins og...
Brúin í Mostar - öfgar og skautun
Hinn 9.nóvember er mjög sögulegur dagur, Berlínarmúrinn féll þennan dag árið 1989 og árið 1799 tók Napóleón Bonaparte völdin í Frakklandi. Þar með hófst nýr kafli í sögu Evrópu. Árið 1923 framkvæmdi svo náunginn Adolf Hitler sína Bjórkjallarauppreisn í Þýskalandi, en hún misheppnaðist. Adolf var dæmdur í fangelsi en notaði tímann þægilega til að skrifa Mein Kampf, Barátta mín. Kristalnóttina árið 1938 bar einnig upp á þennan dag, en...
Athugasemdir