Stjórn Marel segir það ekki samræmast hagsmunum hluthafa að samþykkja viljayfirlýsingu um kaup á öllu hlutafé í fyrirtækinu. Samhliða yfirlýsingunni, sem var ekki bindandi, fylgdi „óafturkallanleg yfirlýsing Eyris Invest hf., eiganda 24,7 prósent hlutafjár í Marel, um samþykki Eyris Invest hf. verði tilboð lagt fram í tengslum við viljayfirlýsinguna.“ Eyrir Invest er langstæsti einstaki eigandi Marel.
Það var fyrirtækið JBT Corporation sem lagði fram hina óskuldbindandi viljayfirlýsingu. „Stjórnin samþykkti einróma að viljayfirlýsingin sé ekki í þágu hagsmuna hluthafa Marel, hún taki hvorki tillit til innra virðis rekstrar Marel, né þeirrar áhættu sem fælist í framkvæmd viðskiptanna,“ segir í tilkynningu stjórnar Marel til Kauphallarinnar.
Yfirlýsingin varð opinber klukkan fjögur um nótt aðfaranótt síðastliðins föstudags. Þá birtist óljós tilkynning í Kauphöll Íslands um að óskuldbindandi yfirlýsing varðandi mögulegt tilboð í öll bréf í Marel hefði borist. Ekkert kom fram hver hefði gert hið mögulega tilboð né hversu hátt það væri.
…Veistu meira? Láttu okkur vita
Það tókst ekki að sækja formið. Reyndu aftur eftir augnablik.















































Athugasemdir