Vinstri græn ekki lengur með minnst fylgi flokka á Alþingi

Sjálf­stæð­is­flokk­ur­inn mælist nú með 18 pró­sent fylgi og hefur ekki rofið 20 pró­senta-múr­inn í heilt ár. Sam­fylk­ingin dalar milli kann­ana en er samt stærri en Sjálf­stæð­is­flokkur og Vinstri græn til sam­ans.

Lítið traust
Lítið traust Traust gagn­vart rík­is­stjórn Vinstri grænna, Sjálf­stæð­is­flokks og Fram­sóknar hefur aldrei mælst minna. Sam­eig­in­legt fylgi flokk­anna sem að henni standa er um þriðj­ungur, sem er langt frá því að duga til að stjórnin haldi. Mynd: Golli

Fylgi Vinstri grænna mælist nú 6,7 pró­sent í nýrri könnun Maskínu sem gerð varð í mars­mán­uði. Það er mesta fylgi sem flokk­ur­inn hefur mælst með í könn­unum fyr­ir­tæk­is­ins síðan í júlí í fyrra, þegar fylgið mæld­ist átta pró­sent. Alls bæta Vinstri græn við sig 0,8 pró­sentu­stigi frá því í síð­ustu könnun. Lægst fór fylgi Vinstri grænna, flokks for­sæt­is­ráð­herr­ans Katrínar Jak­obs­dóttur, í 5,6 pró­sent hjá Maskínu í des­em­ber. Flokk­ur­inn hefur mæld­ist með undir fimm pró­sent fylgi hjá Gallup í febr­úar sem hefði þýtt að hann félli af þingi. Vinstri græn fengu 12,7 pró­sent atkvæða í kosn­ingum 2021.

Fram­sókn­ar­flokk­ur­inn bætir við sig 0,9 pró­sentu­stigi. Fylgi hans mælist nú 9,4 pró­sent, sem er ansi langt frá þeim 17,4 pró­sentum sem flokk­ur­inn fékk í síð­ustu kosn­ingum. Þriðji stjórn­ar­flokk­ur­inn, Sjálf­stæð­is­flokk­ur­inn, dalar lít­il­lega milli kann­ana og mælist nú með 18 pró­sent fylgi. Heilt ár er síðan að flokk­ur­inn mæld­ist með yfir 20 pró­sent fylgi í könn­unum Maskínu.

Sam­an­lagt fylgi stjórn­ar­flokk­anna þriggja mælist nú 34,1 pró­sent, en þeir fengu 54,4 pró­sent atkvæða í síð­ustu kosn­ingum. Sam­an­lagða fylgið hefur verið meira og minna á þessu slóðum síð­ustu mán­uði. Samkvæmt þessu myndi rík­is­stjórnin kol­falla ef kosið yrði í dag.

Samfylkingin áfram stærst en dalar

Sam­fylk­ingin er sá flokkur sem tapar mestu milli kann­ana, eða 1,6 pró­sentu­stigi, en mælist samt sem áður með 25,6 pró­sent fylgi. Það er lang­mesta fylgi allra flokka og Sam­fylk­ingin hefur mælst stærsti flokkur lands­ins í könn­unum Maskínu síðan í des­em­ber 2022. Fylgið er enn meira en sam­an­lagt fylgi Sjálf­stæð­is­flokks og Vinstri grænna. 

Mið­flokk­ur­inn hefur verið að mæl­ast þriðji stærsti flokkur lands­ins und­an­farið og heldur þeirri stöðu með 11,9 pró­sent fylgi. Það er lít­il­lega meira en hann mæld­ist með í febr­úar. Viðreisn hress­ist líka aðeins milli kann­ana og nýtur nú stuðn­ings 9,7 pró­sent kjós­enda. Sömu sögu er að segja af Pírötum sem mæl­ast með 9,5 pró­sent fylgi.  

Flokkur fólks­ins lækkar milli kann­ana og er nú sá flokkur sem á full­trúa á þingi sem mælist með minnst fylgi, eða 5,7 pró­sent. Fylgi Sós­í­alista­flokks Íslands mælist svo 3,5 pró­sent. 

Aldrei meiri óánægja með stjórnina

Maskína kann­aði einnig ánægju með störf rík­is­stjórn­ar­innar, sem mælist nú minni en nokkru sinni áður. Einungis 14,8 pró­sent segj­ast vera ánægðir með hana á meðan að 57,5 pró­sent segj­ast vera óánægð. 

Líkt og búast mátti við er óánægjan almenn á meðal kjós­enda stjórn­ar­and­stöðu­flokka, en 66 til 93 pró­sent þeirra eru óánægðir með störf rík­is­stjórn­ar­innar. 

Athygli vekur hins vegar að tölu­verður munur er á milli kjós­enda stjórn­ar­flokk­anna þegar kemur að ánægju með störf stjórn­ar­innar. Helm­ingur kjós­enda Sjálf­stæð­is­flokks­ins er ánægður með rík­is­stjórn Katrínar Jak­obs­dóttur en 15 pró­sent óánægður. Alls segja 37 pró­sent kjós­enda Fram­sóknar vera ánægð með störf hennar en 34 pró­sent kjós­enda Vinstri grænna. Þá er fjórð­ungur kjós­enda Fram­sóknar óánægður og fimmt­ungur kjós­enda Vinstri grænna.

Kjósa
63
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár