Kynjamisrétti

11. október 2016 Strangar reglur ríkja um útlit og klæða­burð starfs­manna hjá Icelandair en mis­mun­andi kröfur eru gerðar eftir því hvaða stöðu fólk gegnir. Flug­freyjur eiga að mæta til vinnu í háum hælum og vera með vara­lit alla vakt­ina. Læknir segir of mikla notkun á hæla­skóm geta verið heilsu­spill­andi og flug­freyja seg­ist oft hafa óskað þess að hafa val um að klæð­ast lág­botna skóm eftir erf­iða vakt.

25. apríl 2016 Töluverð ólga hefur verið meðal starfs­fólks í frysti­húsi Loðnu­vinnsl­unnar á Fáskrúðs­firði síð­ustu vikur. Ung kona skrif­aði grein í hér­aðs­frétta­miðil Aust­ur­lands þar sem hún lýsti langvar­andi kyn­bundnu áreiti í ónafn­greindu frysti­húsi fyrir austan, en jafn­vel þótt hvorki bæj­ar­fé­lag né ger­andi hafi verið nefnd í grein­inni varð öllum á Fáskrúðs­firði ljóst um hvern væri að ræða. Stjórn­endur Loðnu­vinnsl­unnar brugð­ust strax við og réðu tvo sál­fræð­inga til að ræða við starfs­fólk og vinna aðgerð­ar­á­ætlun til að bregð­ast við ástand­inu. Engu að síður ótt­ast starfs­fólk að ekk­ert muni breyt­ast, málið verði kæft enn einu sinni og mað­ur­inn fái að halda upp­teknum hætti. Honum var ekki vikið úr starfi á meðan athug­unin fór fram.

14. febrúar 2016 „Ertu tryggð?“ var eitt það fyrsta sem banda­ríski bráðalið­inn spurði Silju Báru Ómars­dóttur þar sem hún lá alblóðug á heim­ili sínu í Los Angeles eftir alvar­lega árás. Örlög bráðalið­ans, sem valdi sér það starf að bjarga manns­lífum, eru þau að hann verður að spyrja þess­arar spurn­ingar áður en ákveðið er hvert skuli fara með sjúk­ling. Banda­rískt heil­brigð­is­kerfi gerir það að verkum að hann fer ekki með fólk á besta mögu­lega stað, heldur á þann stað sem fjár­ráð sjúk­lings leyfa. Silju Báru tókst með naum­indum að hvísla nafn háskóla síns, USC, og bráðalið­inn tók því sem stað­fest­ingu á því að hún væri með trygg­ingar frá skól­anum. Sem betur fer.