Guðrún Johnsen ráðin til danska seðlabankans

Stjórn­ar­maður í Líf­eyr­is­sjóði verzlunarmanna mun hætta í stjórn­inni sam­hliða því að hún tekur við ráð­gjaf­ar­starfi hjá erlendum seðla­banka.

Nýtt starf
Nýtt starf Guðrún Johnsen starf­aði frá 2009 til 2010 hjá Rann­sókn­ar­nefnd Alþing­is. Mynd: Heiða Helgadóttir

Guðrún Johnsen hag­fræð­ingur hefur verið ráðin sem ráð­gjafi yfir­stjórnar danska seðla­bank­ans í mál­efnum Alþjóða­gjald­eyr­is­sjóðs­ins (IMF) og Alþjóða­greiðslu­bank­anum (BIS). Hún hefur und­an­farin ár starfað sem lektor við Við­skipta­há­skól­ann í Kaup­manna­höfn (CBS) og setið í stjórn Líf­eyr­is­sjóðs verzlunarmanna. Guðrún, sem greindi frá vista­skipt­unum á LinkedIn, mun hætta í stjórn sjóðs­ins sam­hliða því að hún tekur við nýju starfi. Hún hefur setið í stjórn líf­eyr­is­sjóðs­ins, sem er sá næst stærsti á Íslandi, síðan sum­arið 2019. 

Guðrún á að baki yfir 20 ára feril sem háskóla­kenn­ari og kenndi áður við Háskóla Íslands, Háskól­ann í Reykja­vík og við Osló­ar­há­skóla. Auk þess sem hefur hún starfað sem rann­sak­andi á sviði fjár­mála og efna­hags­mála hjá alþjóð­legum stofn­un­um. Frá 2009-2010 starf­aði Guð­rún hjá Rann­sókn­ar­nefnd Alþing­is og gaf út bók­ina „Bringing Down the Banking System – Lessons from Iceland“ árið 2014.

Hún hefur lokið dokt­ors­prófi í hag­fræði frá ENS í Frakk­landi og meist­ara­gráðum í bæði töl­fræði og hag­nýtri hag­fræði frá Uni­versity of Michigan. Frá 2009-2010 starf­aði Guð­rún hjá Rann­sókn­ar­nefnd Alþing­is, en eftir hana liggja margar grein­ar, bók­arkaflar og bók um fjár­málakrepp­una miklu.“ Þá var hún um tíma stjórn­ar­for­maður Gagnsæis, sem í dag Heitir Transparency International á Íslandi.

Áberandi í umræðunni

Guðrún hefur verið áber­andi í umræðu um efna­hags­mál og við­skipti á und­an­förnum árum. Hún sat í stjórn Arion banka í tæp­lega átta ár en var látin hætta þar síðla árs 2017 eftir að hafa greitt atkvæði í stjórn­­inni gegn umdeildri sölu á hlut bank­ans í Bakka­vör í nóv­­em­ber 2015 og lagði það síðan til á fundi stjórnar Arion banka 14. nóv­­em­ber 2018 að ­gerð yrði könnun á sölu­­­ferli eign­­­ar­hlut­­­ar­ins. Sú til­­­laga var felld. 

Í minni­blaði sem Banka­­sýsla rík­­is­ins skrif­aði Bjarna Bene­dikts­­syni, fjár­­­mála- og efna­hags­ráð­herra, vegna þeirrar sölu, sem stofn­unin mat að rík­­is­­sjóður hafi tapað 2,6 millj­­örðum króna á, kom fram að degi eftir að Guð­rún lagði fram til­­lög­una hafi henni verið tjáð að „breyt­ingar væru fyr­ir­hug­að­ar á stjórn bank­ans og [henn­­­ar] að­komu væri ekki óskað“. 

Í fyrra var hún gagn­rýnin á sölu rík­is­ins á 22,5 pró­sent hlut í Íslands­banka sem fram fór í mars í fyrra í lok­uðu útboði með til­boðs­leið. Guðrún hefur meðal ann­ars sagt að hún telji að lög hafi verið brotin við söl­una þar sem lögum sam­kvæmt eigi að leggja áherslu á opið sölu­ferli, gagn­sæi, hlut­lægni, að leitað sé hæsta verðs, að til­boðs­gjafar njóti jafn­ræðis og að salan efli virka og eðli­lega sam­keppni á fjár­mála­mark­aði. Því hafi ekki verið að skipta þegar hlut­ur­inn í Íslands­banka var seldur.

Kjósa
20
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár