Í dag samþykkti stjórn HB Granda hf. samninga um kaup á sölufélögum í Asíu og leggja þá fyrir hluthafafund til samþykktar. Félagið gerði kauptilboð í félögin að fjárhæð 31,1 milljón evra eða 4,4 milljörðum króna síðastliðinn föstudag, að því er kemur fram í fréttatilkynningu félagsins.
Eigandi félaganna gekk að tilboðinu og er tilgangurinn að styrkja sölu- og markaðsstarf félagsins á alþjóðamörkuðum, einkum í Asíu.
Nafni félagsins verður breytt í Brim og Brim Seafood. Samkvæmt tilkynningunni mun nýtt vörumerki og nafn þjóna tilgangi félagsins vel sem sé að markaðssetja og selja afurðir sem félagið veiðir og vinnur á verðmætum alþjóðamörkuðum. Boðað verður til hluthafafundar í dag og verður hann haldinn um miðjan ágúst.
Guðmundur Kristjánsson er forstjóri HB Granda, og jafnframt stærsti eigandi Útgerðarfélags Reykjavíkur. Útgerðafélag Reykjavíkur er einnig stærsti eigandi HB Granda. Markaðsvirði HB Granda í dag, er um 60 milljarðar króna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.












































Athugasemdir