Pistill

Þessi grein birtist upphaflega í Stundinni fyrir meira en 8 árum.

Anna Gyða Sigurgísladóttir

Það er bankamaður á glugganum mínum

17. desember 2015 · 12:21

Klukkan er 03:14 á aðfararnótt laugardags og ég ligg upp í rúmi andvaka. Hvað getur mögulega svæft mig einmitt núna? Tvennt um að velja: Hlusta á youtube myndband sem heitir ‘’Deep Sleep Meditation 2 Hours - Inner Peace Music To Help You Sleep’’ eða lesa hinn nýfallna Hæstaréttardóm nr. 478/2014 í BK-málinu.

Erfitt val en auðvitað vel ég BK-málið. Umboðssvika-, markaðsmisnotkunar- og ársreikningahugtök ættu að svæfa mig innan nokkurra mínútna. Lestur hefst. Eitthvað allt annað en þreyta tekur þó því miður óvænt yfir þar sem að geðshræring og tilfinningaólga heldur mér vakandi út nóttina.

BK-44 seldi bankanum 120.000.000 hluti á genginu 14,95 fyrir 1.794.000.000 kr. Sama dag seldi bankinn Glitnir hf. BK-44 aftur 120.000.000 hluti á genginu 14,95 og keypti síðan bréfin strax á ný á genginu 31,82 fyrir 3.818.400.000 kr.

Ég stend upp og labba um gamla æskuherbergið eins og taugaveiklaður Woody Allen. Já, ég er staðsett út á Álftanesi í foreldrahúsum svo ég get sem betur fer skriðið upp í til mömmu þegar ég klára loksins þennan 75 blaðsíðna lestur. Ég leggst aftur upp í rúm og held áfram að lesa. Ástandið sem ég er komin í minnir mig á tilfinningarnar sem vakna þegar ég les eða horfi á hryllingsmyndir. Gæsahúð, kaldur sviti og hræðsla. Ég horfi ekki á hryllingsmyndir en þegar ég er plötuð til að horfa á hryllingsmyndir næ ég yfirleitt að sannfæra sjálfa mig um að heimur hryllingsmyndarinnar er gerviheimur sem ég bý ekki í.

Ég laumast inn í svefnherbergi til foreldra minna, færi pabba til hliðar og treð mér á milli þeirra, djúpt inn í fang mömmu. Fæ flashback til stingandi æskuminningar þar sem ég lá á nákvæmlega sama stað, líklega 7 ára og starði upp í loftið andvaka. Þar sem ég var ekki lítill baby Einstein eða Mozart í æsku, lá ég ekki andvaka yfir virkni og fúnksjóni bankakerfa, heldur var ég að upplifa eitt af þessum klassísku æsku mómentum sem börn ganga í gegnum á ákveðnum tímapunkti í lífinu þegar þau eru að uppgötva stærð heimsins. Ég var búin að læra örlítið um geiminn og átta mig á því hvað við mannfólkið erum óendanlega lítil í samanburði við þetta allt saman. Ég skildi ekki út á hvað lífið gengi. Ég mun alltaf muna eftir þessu því þetta var svo myndræn upplifun, eins og myndavél sem færðist hratt frá andliti mínu og upp, upp, upp, upp, upp þar til hún gat ekki mögulega farið lengra. Jörðin sást ekki lengur og þegar myndavélin var komin á kolbika svartan stað skaust hún aftur tilbaka til mín, liggjandi upp í rúmi á milli foreldra minna.

Ég er að upplifa nákvæmlega sömu tilfinningar og ég fann þarna 7 ára gömul. Kaldur sviti, gæsahúð og hræðsla. Hausinn að hringsnúast, velta fyrir mér tilgangi alls og hvað margt meikar bara einfaldlega ekki sens. Burtséð frá því hvort niðurstaða og refsing í BK- málinu hafi verið réttlát eða ekki, þá gefur þessi dómur áhugaverða innsýn inn í brenglaða viðskiptahætti. Rétt eins og alheimurinn, þá er þetta peningakerfi sturlað, óáþreifanlegt og svo yfirgrips mikið að það varla nær áttum. Líkt og með alheiminn, þá er ég pínulítil í samanburði við hið það. Annað en með hryllingsmyndir, þá bý ég í þessum heimi.

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Viðtal

Mataræði er vanræktur þáttur í svefnvanda

Góður svefn er seint ofmetinn en vandamál tengd svefni eru algeng á Vesturlöndum. Talið er að um 30 prósent Íslendinga sofi of lítið og fái ekki endurnærandi svefn. Ónógur svefn hefur áhrif á daglegt líf fólks og lífsgæði. Svefn er flókið fyrirbæri og margt sem getur haft áhrif á gæði hans, má þar nefna líkamlega og andlega sjúkdóma, breytingaskeið, álag, kvíða, skort á hreyfingu og áhrif samfélagsmiðla á svefngæði. Áhrif næringar og neyslu ákveðinna fæðutegunda á svefn hafa hins vegar ekki vakið athygli þar til nýlega.

Fréttir

Hársbreidd frá tveggja flokka meirihluta

Samfylkingu og Viðreisn vantar eitt þingsæti til viðbótar til að ná að mynda meirihluta í þinginu, miðað við nýja skoðanakönnun Maskínu. Flokkarnir bæta báðir við sig á milli kannana og mælast með yfir 20 prósenta fylgi. Sósíalistar mælast stærri en Sjálfstæðisflokkur í einu kjördæmi.

Fréttir

Sigurður Ingi lýsir erfiðu samstarfi við Sjálfstæðisflokkinn

Sigurður Ingi Jóhannsson segir að Sjálfstæðisflokkurinn sé stjórnlaus, þar hafi menn gert það sem þeim datt í hug og komist upp með það. „Þannig var það,“ segir Svandís Svavarsdóttir.

Á vettvangi#1

Kvöldvakt á bráðamóttökunni

Í fjóra mánuði hefur Jóhannes Kr. Kristjánsson verið á vettvangi bráðamóttöku Landspítalans í Fossvogi. Í þáttaröðinni Á vettvangi sem unnin er fyrir Heimildina veitir hann einstaka innsýn inn í starfsemi bráðamóttökunnar, þar sem líf og heilsa einstaklinga er undir.

Vettvangur

„Viljum ekki að Harpa verði umferðarmiðstöð“

Það hefur verið umdeild ákvörðun hjá húsinu að láta gesti borga fyrir heimsókn á salernin í Hörpu. En fólk heimsækir húsið af ýmsum ástæðum. Greinarhöfundur spáir í lífið í húsinu og ræðir jafnframt við Hildi Ottesen Hauksdóttur, markaðs- og kynningarstjóra Hörpu.

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.

Mest lesið

Mest lesið í vikunni

Viðtal

„Hann sagðist ekki geta meir“

„Ég gat ekki bjargað barnabarninu mínu. En ef það verður til þess að ég geti kannski bjargað einhverjum, þó ekki nema einu barni, þá vil ég segja sögu okkar,“ segir Þórhildur Helga Þorleifsdóttir kennsluráðgjafi. Sonarsonur hennar, Patrekur Jóhann Kjartansson Eberl, fannst látinn miðvikudaginn 12. maí 2021, aðeins fimmtán ára gamall. Hann hafði svipt sig lífi.

Fréttir

Þórdís Kolbrún afskrifaði Gunnar Smára á opnum fundi

Gunnar Smári Egilsson, frambjóðandi Sósíalista, segir mestu ógn Íslendinga vera að styðja Úkraínumenn gegn innrás Rússa og fullyrðir að „vel mætti enda stríðið“. Þórdís Kolbrún Reykfjörð Gylfadóttir brást illa við hugmyndum hans.

ViðtalFormannaviðtöl

Síðasta tilraun Ingu Sæland

Flokkur fólksins var stofnaður til að útrýma fátækt á Íslandi, sem Inga Sæland, formaður flokksins, þekkir af eigin raun. Hún boðar nýtt húsnæðiskerfi með fyrirsjáanleika og niðurskurð í öllu því sem heita aðgerðir gegn loftslagsbreytingum. Grænasta land í heimi eigi að nota peningana í heilbrigðiskerfi og aðra innviði sem standi á brauðfótum.

Myndband

Almar les upp úr nýrri bók

Almar Steinn Atlason varð þjóðþekktur árið 2015 sem Almar í kassanum eftir að hann dvaldi nakinn í heila viku inni í glerkassa í Listaháskólanum. Hann var að senda frá sér skáldsöguna Mold er mold - Litla systir mín fjöldamorðinginn. Hann les upp úr bókinni í beinu streymi sem hefst um klukkan 18 í dag.

Fréttir

Snörp orðaskipti í réttarsal: „Þú hefur ekki orðið!“

Annar dagur aðalmeðferðar í manndrápsmáli gegn hjúkrunarfræðingi fór fram í Héraðsdómi Reykjavíkur í dag. Þar áttu sér stað snörp orðaskipti á milli dómara og lögmanns þegar nýjar upplýsingar komu upp. Málið hefur verið lagt í dóm í annað skiptið í héraði.

Fréttir

Svanhildur Hólm með áberandi minnsta reynslu af utanríkismálum

Ljóst er að Svanhildur Hólm, sendiherra í Bandaríkjunum, sker sig úr hópi kollega sinna frá Norðurlöndunum hvað varðar takmarkaða reynslu á vettvangi utanríkismála. Stjórnskipunar- og eftirlitsnefnd bíður enn svara frá utanríkisráðuneytinu um vinnubrögð ráðherra við skipun á sendiherrum í Bandaríkjunum og Ítalíu.

Mest lesið í mánuðinum

Afhjúpun

Leyniupptaka lýsir vinargreiða og hrossakaupum Bjarna og Jóns

Sonur og viðskiptafélagi Jóns Gunnarssonar þingmanns fullyrðir í upptökum sem teknar voru af manni sem sagðist vera fjárfestir að Jón hafi samþykkt beiðni Bjarna Benediktssonar um að þiggja sæti á lista gegn því að Jón komist í aðstöðu til veita veiðileyfi til Hvals hf. Það verði arfleifð Jóns að tryggja Kristjáni Loftssyni nánum vini sínum leyfið. Það sé hins vegar eitthvað sem eigi að fara leynt.

Viðtal

Missti son sinn í eldsvoða á Stuðlum

Jón K. Jacobsen, faðir 17 ára drengs sem lést í eldsvoða á Stuðlum síðastliðinn laugardag, segist hafa barist árum saman við kerfið til að halda syni sínum á lífi. „Núna berst ég við kerfið til að halda minningu hans á lofti.“

Viðtal

„Hann sagðist ekki geta meir“

Viðtal

Grunaði að það ætti að reka hana

Vigdís Häsler var rekin úr starfi framkvæmdastjóra Bændasamtakanna eftir að nýr formaður tók þar við fyrr á árinu. Hún segir kosningavél Framsóknarflokksins hafa verið gangsetta til að koma honum að. Vigdís ræðir brottreksturinn og rasísk ummæli sem formaður Framsóknarflokksins hafði um hana. Orðin hafi átt að smætta og brjóta hana niður. Hún segist aldrei munu líta Sigurð Inga Jóhannsson sömu augum eftir það.

ViðtalMetoo

Ósmekklegt bréf frá eiganda sem áreitti hana

Sigríður Lárusdóttir er ein fjölmargra kvenna sem hefur orðið fyrir kynferðislegri áreitni á vinnustað. Eftir að hún kvartaði undan framkomu yfirmanns í garð starfsfólks var henni sagt upp og segir hún að sá sem hafði áreitt hana hafi skrifað henni ósmekklegt bréf með rökstuðningi fyrir uppsögninni.

Fréttir

Þórdís Kolbrún afskrifaði Gunnar Smára á opnum fundi