Þessi grein birtist upphaflega í Stundinni fyrir meira en 5 árum.

Fréttir

Landlæknir lítur brottflutning óléttrar konu „alvarlegum augum“

Landlæknisembættið skoðar mál konu sem var handtekin og flutt úr landi, komin 36 vikur á leið.

5. nóvember 2019 · 13:05

ritstjorn@heimildin.is

Landlæknisembættið segist meta konuna, sem var handtekin í nótt og flutt nauðug úr landi, „í áhættuhópi og mjög viðkvæmri stöðu“. Samkvæmt svörum embættisins til Stundarinnar er litið „alvarlegum augum“ að ráðleggingum sérfræðinga Landspítalans hafi ekki verið hlýtt, þegar konan var flutt ásamt manni sínum og tveggja ára barni með flugi úr landi í nótt. Konan er 26 ára gömul og er fjölskyldan albönsk.

„Við höfum verið í samskiptum við Landspítala og þau sem sjá um mæðraverndina þar,“ segir Kjartan Hreinn Njálsson, aðstoðarmaður Landlæknis. „Þetta varðar málefni einstaklings og það er því lögum samkvæmt vafasamt að ræða þetta tiltekna má opinskátt en það liggur í hlutarins eðli að þarna er kona sem gengin er langt á leið. Hún er í áhættuhópi og í mjög viðkvæmri stöðu, bæði líkamlega og félagslega, en þann þátt þarf líka að hafa í huga. Ég veit að sérfræðingarnir niðri á spítala höfðu þetta í huga og að þeir koma með sínar ráðleggingar, sem svo ekki er fylgt. Það er augljóslega ekki nógu gott.“

Útlendingastofnun segir konuna ferðafæra

Útlendingastofnun sendi hins vegar yfirlýsingu rétt í þessu þar sem kemur fram að stoðdeild Ríkislögreglustjóra hafi fengið vottorð frá lækni á heilsugæslunni á höfuðborgarsvæðinu um að konan væri ferðafær. „Viðkomandi leitaði síðan sjálf til læknis á kvennadeild Landspítalans þar sem gefið var út annað vottorð og stoðdeild fékk afrit af. Í því vottorði kom ekkert fram um að flutningur viðkomandi úr landi myndi stefna öryggi hennar í hættu og því var fyrirhuguðum flutningi ekki frestað.“

Stundin hefur vottorðið undir höndum. Í því kemur fram: „Það vottast hér með að _____________ er ófrísk og gengin skv. síðustu tíðum 35 vikur og 5 daga. Hún er slæm af stoðkerfisverkjum í baki og ætti erfitt með langt flug.“

Undir vottorðið skrifar læknir á kvennadeild Landspítalans.

Útlendingastofnun segist fylgja lögum

Kjartan Hreinn segir að landlæknisembættið haldi áfram að afla upplýsinga um málið. „Frá því að okkur var fyrst bent á þetta mál höfum við verið að afla okkur upplýsinga um hvað nákvæmlega gerðist og hvernig þetta fór allt saman fram. Sú upplýsingasöfnun er ennþá í gangi. Hins vegar er það staðreynd málsins að þarna er kona gengin langt á leið, 36 vikur eða svo. Hún er hælisleitandi og sem slík eru vissir áhættuþættir óneitanlega til staðar hjá henni, til að mynda bæði andlegt og líkamlegt álag. Fyrir liggur að ljósmæður og hjúkrunarfræðingar á Landspítala mátu hana ekki hæfa til þess að fara um borð í flugvél. Það, að það hafi svo verið raunin, er eitthvað sem við lítum mjög alvarlegum augum,“ segir hann.

Samkvæmt yfirlýsingu Útlendingastofnunar var lögum fylgt í máli konunnar. „Einstaklingum sem synjað hefur verið um alþjóðlega vernd og eiga ekki annan rétt til dvalar hér á landi lögum samkvæmt ber að yfirgefa landið.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

ViðtalVindorka á Íslandi

Hræðilega sorglegt og rangt

Það vaknar alltaf sorg í brjósti Line Harbak er hún fer upp á bæjarfjallið sitt. Þar sem hún fann áður fyrir frelsi hefur verið reist vindorkuver sem nú gnæfir yfir húsið hennar. „Hann var enn heitur,“ segir Line um haförn sem fannst eftir að hafa lent í spöðunum, missti vænginn og dó. Hún tók hann í fangið og bar heim.

Fréttir

Ætla að fækka ráðuneytum

Svo virðist sem samhljómur hafi náðst á milli Viðreisnar, Samfylkingarinnar og Viðreisnar. Valkyrjurnar svokölluðu munu hefja stjórnarmyndunarviðræður á morgun.

Viðtal

Núvitund og nægjusemi færa okkur lífshamingju

Svarið við efnishyggju og neysluáráttu sem tekur völdin í samfélaginu í aðdraganda jóla felst í núvitund og nægjusemi „Hamingjan kemur innan frá,“ segir Þuríður Helga Kristjánsdóttir núvitundarkennari, sem lumar á einföldum ráðum til að komast í gegnum neysluhátíðina sem er fram undan.

Aðsent

Stefán Ólafsson

Hvernig stjórn og um hvað?

Stefán Ólafsson skrifar að við blasi að þrír helstu sigurvegarar kosninganna - Samfylking, Viðreisn og Flokkur fólksins, voru allir með sterkan fókus á umbætur í velferðar- og innviðamálum og afkomu aðþrengdra heimila. „Helstu vandamálin við að ná saman um stjórnarsáttmála verða væntanlega áhersla Viðreisnar á þjóðaratkvæði um hvort sækja ætti á ný um aðild að ESB og kostnaðarmiklar hugmyndir Flokks fólksins um endurbætur á almannatryggingakerfinu,“ skrifar hann.

Fréttir

Halla nýr formaður VR

Halla Gunnarsdóttir tók við sem formaður VR af Ragnari Þór Ingólfssyni, sem var kjörinn á þing um helgina.

Saga

Valkyrjustjórnin? Tja, hverjar voru valkyrjur í raun og veru?

Er ástæða til að kenna hugsanlega ríkisstjórn Samfylkingar, Viðreisnar og Flokks fólksins við valkyrjur, þótt formennirnir séu konur?

Mest lesið

Mest lesið í vikunni

Vindorkumál

Ný ógn við haförninn rís á Íslandi

Hafernir falla blóðugir og vængjalausir til jarðar í vindorkuverum Noregs sem mörg hver voru reist í og við búsvæði þeirra og helstu flugleiðir. Hættan var þekkt áður en verin risu og nú súpa Norðmenn seyðið af því. Sagan gæti endurtekið sig á Íslandi því mörg þeirra fjörutíu vindorkuvera sem áformað er að reisa hér yrðu á slóðum hafarna. Þessara stórvöxnu ránfugla sem ómæld vinna hefur farið í að vernda í heila öld.

Vettvangur

Kosningavaka Miðflokksins: Ungir karlmenn, MAGA og fyrstu tölur

Blaðamaður Heimildarinnar var viðstaddur kosningavöku Miðflokksins í Valsheimilinu í gærkvöldi. Þar var saman kominn mikill fjöldi ungmenna, einkum karlkyns. „Ég veit ekki hvort að Sigmundur Davíð er anti-establisment, en ég trúi því að hann ætli aðeins að hrista upp í hlutunum,“ sagði einn gesturinn, sem bar rauða MAGA-derhúfu.

Pistill

Jón Trausti Reynisson

Val og vandi Þorgerðar Katrínar

Þorgerður Katrín Gunnarsdóttir í Viðreisn er í dag hornsteinninn í íslenskum stjórnmálum. Hún getur í dag myndað draumaríkisstjórn hægri manna, en það getur markað fráfall flokksins hennar.

ViðtalVindorka á Íslandi

„Ég kæri mig ekki um að sveitin mín sé eyðilögð“

Í sjö ár hefur Steinunn M. Sigurbjörnsdóttir háð margar orrustur í baráttu sinni gegn vindmyllum sem til stendur að reisa allt umhverfis sveitina hennar. Hún hefur tapað þeim öllum. „Ég er ekki búin að ákveða hvort ég hlekki mig við jarðýturnar, það fer eftir því hvað ég verð orðin gömul,” segir hún glettnislega. En þó með votti af alvöru. Hún ætli að minnsta kosti ekki að sitja hjá og „horfa á þetta gerast”.

ViðtalVindorka á Íslandi

Hræðilega sorglegt og rangt

ÚttektAlþingiskosningar 2024

Fólkið sem nær kjöri - samkvæmt þingmannaspá

Þingmannaspá dr. Baldurs Héðinssonar og Heimildarinnar byggir á fylgi framboða á landsvísu í nýjustu kosningaspá Heimildarinnar, auk þess sem tillit er tekið til styrks framboða í mismunandi kjördæmum. Framkvæmdar eru 100 þúsund sýndarkosningar þar sem flökt er á fylgi og fyrir hverja niðurstöðu er þingsætum úthlutað, kjördæma- og jöfnunarþingsætum.

Mest lesið í mánuðinum

Afhjúpun

Leyniupptaka lýsir vinargreiða og hrossakaupum Bjarna og Jóns

Sonur og viðskiptafélagi Jóns Gunnarssonar þingmanns fullyrðir í upptökum sem teknar voru af manni sem sagðist vera fjárfestir að Jón hafi samþykkt beiðni Bjarna Benediktssonar um að þiggja sæti á lista gegn því að Jón komist í aðstöðu til veita veiðileyfi til Hvals hf. Það verði arfleifð Jóns að tryggja Kristjáni Loftssyni nánum vini sínum leyfið. Það sé hins vegar eitthvað sem eigi að fara leynt.

Viðtal

„Hann sagðist ekki geta meir“

„Ég gat ekki bjargað barnabarninu mínu. En ef það verður til þess að ég geti kannski bjargað einhverjum, þó ekki nema einu barni, þá vil ég segja sögu okkar,“ segir Þórhildur Helga Þorleifsdóttir kennsluráðgjafi. Sonarsonur hennar, Patrekur Jóhann Kjartansson Eberl, fannst látinn miðvikudaginn 12. maí 2021, aðeins fimmtán ára gamall. Hann hafði svipt sig lífi.

Fréttir

Þórdís Kolbrún afskrifaði Gunnar Smára á opnum fundi

Gunnar Smári Egilsson, frambjóðandi Sósíalista, segir mestu ógn Íslendinga vera að styðja Úkraínumenn gegn innrás Rússa og fullyrðir að „vel mætti enda stríðið“. Þórdís Kolbrún Reykfjörð Gylfadóttir brást illa við hugmyndum hans.

FréttirKynferðisbrot

Myndir af neyðarmóttöku sendar áfram: „Ekki myndir sem ég vildi sjá af sjálfri mér“

Lögreglu var heimilt að senda myndir sem teknar voru af Guðnýju S. Bjarnadóttur á neyðarmóttöku fyrir þolendur kynferðisofbeldis á verjanda manns sem hún kærði fyrir nauðgun. Þetta er niðurstaða Persónuverndar. Guðný segir ótækt að gerendur í kynferðisafbrotamálum geti með þessum hætti fengið aðgang að viðkvæmum myndum af þolendum. „Þetta er bara stafrænt kynferðisofbeldi af hendi lögreglunnar.“

Viðtal

Mögulegt að hætta að vinna um fimmtugt

Georg Lúðvíksson, sem hefur unnið við heimilisfjármál og fjármálaráðgjöf um árabil, segir að með reglulegum sprnaði frá þrítugu geti meðaltekjufólk hætt að vinna um fimmtugt, en það fari þó eftir aðstæðum. Ef spara á til langs tíma þá hafi það sögulega reynst best að fjárfesta í vel dreifðu verðbréfasafni. Grundvallarreglan er einfaldlega að eyða minna en maður aflar.

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.