Áratugalangt valdatafl Sádi-Araba og Írana hefur náð suðupunkti en deilur þjóðanna eru flókin blanda af trúarbrögðum, ólíkum efnahagslegum hagsmunum og valdapólitík. 

Hvað trúarbrögð varðar er skemmst frá því að segja að í Sádi-Arabíu styðjast yfirvöld og allur almenningur við afar stranga og forneskjulega túlkun á þeirri hefð sem kennd er við Súnní-Íslam. Þessi túlkun kallast Salafismi og er sama hugmyndafræði og hryðjuverkasamtök á borð við al Kaída og ISIS taka sér til fyrirmyndar, enda koma margir helstu bakhjarlar þeirra frá Sádi-Arabíu. 

Hatur á villutrúarmönnum er fyrirferðarmikið í boðskap Salafista og eru þeir sérstaklega uppteknir af andúð sinni á þeim skóla íslam sem kallast Sjía-Íslam. Mikilli meirihluti íbúa Írans fylgja Sjía-Íslam og þarlend stjórnvöld eru undir þumli klerka frá þeim skóla. Fyrir vikið má segja að átök konunganna í Sádí og klerkanna í Íran séu óhjákvæmileg, auk þess sem þjóðirnar hata hvor aðra á mjög djúpstæðan hátt. 

Það má meðal annars …