„Ég vinn verka­manna­vinnu hjá Sorpu. Konan mín vinnur á leik­skóla þannig að við erum báðar í lág­launa­störfum. Ég fæ raunar laun sem eru allt í lagi en það er vegna þess að ég vinn alveg fullt af yfir­vinnu­tímum og hef í raun ekki tíma til að gera margt annað. Þannig situr fjöl­skyldu­lífið til dæmis á hak­anum. Ég get aldrei farið með krakk­ana á leik­skól­ann og ég get aldrei sótt þau. Konan mín vinnur aðeins styttri vinnu­dag því það er betra að hún nái í börnin en ég vinni meira, laun­anna vegna. En ég sakna þess að fá ekki að taka þátt í lífi barn­anna minna á þennan hátt,“ segir Hjördís Ólafs­dóttir í sam­tali við Stundina.

Hjördís segir að hún sé til­neydd til að vinna mikið svo að fjöl­skyldan nái endum saman. „Við gætum aldrei lifað af ef ég væri bara á dag­vinnu­laun­unum mínum. Þau eru 360 þús­und krónur fyrir skatta. …