Ég hef lengi haft miklar mætur á skáldsögu ítalska höfundarins Italo Calvino sem kom loks út fyrir þremur árum á íslensku undir heitinu Ef að vetrarnóttu ferðalangur, í ákaflega fimlegri þýðingu Brynju Cortés Andrésdóttur. Bókin er listilega smíðað verk þar sem Calvino sýnir vald sitt yfir ólíkum stílbrigðum og galdri skáldsögunnar á einstakan hátt þar sem leikgleði og hugkvæmni er hvert sem litið er. Aðalpersónan er lesandi í dauðaleit að bókinni sem hann ætlaði sér að lesa en hún reynist sýnd veiði en ekki gefin. Eitursnjöll saga um hið marglaga eðli skáldskaparins og litríkt ástarsamband höfundar og lesanda.