Það tók ein­ungis tíu mín­útur að slátra hund­rað grind­hvölum í Hvanna­sundi í Færeyjum fyrr í dag, eftir því sem fær­eyskir fjöl­miðar greina frá.

Fær­ey­ingar eru þekktir fyrir hval­veiðar sínar, en þær fara þannig fram að hvöl­unum er smalað upp í flæð­ar­málið og þeir síðan skornir með sér­hönn­uðum hnífum sem stöðva blóð­flæði til heil­ans. Þá er krókum jafn­framt beitt og er þeim krækt í blást­ur­sop hval­anna til að koma þeim í land. Íbúar taka gjarnan þátt í veið­unum og hóp­ast full­orðnir og börn saman í blóð­rauðu flæða­mál­inu. Hval­veiðar þessar eiga stað á hvaða árs­tíma sem er en fara yfir­leitt fram á sumrin. Hátt í þús­und dýr eru drepin árlega.

Á sama tíma og fréttir ber­ast af hvala­drápum í Færeyjum er öllum brögðum beitt til að halda lífi í tveimur and­ar­nefjum sem fastar eru í fjör­unni í Engey. Þá önd­uðu menn léttar í Kolgrafa­firði á dög­unum þegar vaða af grind­hvölum yfir­gaf fjörð­inn, en ótt­ast var að hval­irnir myndu stranda.  

Hval­veiðar eru gríð­ar­lega umdeildar á heims­vísu og er þessi hefð Fær­ey­inga engin und­an­tekn­ing. Hafa meðal ann­ars dýra­vernd­un­ar­sam­tökin Sea Shepherd gagn­rýnt veið­arnar harð­lega og barist gegn þeim en sam­tökin settu meðal ann­ars inn mynd­band á Youtube fyrr í dag af veið­unum í Hvanna­sundi.  Það er þó ekki ein­ungis af dýra­vernd­ur­ar­sjón­ar­miðum sem veiðar á grind­hval hafa verið gagn­rýndar en vís­inda­menn hafa varað við neyslu hans þar sem kjötið inni­haldi meðal ann­ars kvika­silfur og PCB. Gefin hafa verið út neyslu­við­mið þar sem mælt er með að fólk borði ekki meira en eina mál­tíð sem inni­haldi grind­hval í mán­uði. Séu konur barns­haf­andi, með börn á brjósti eða að reyna að eign­ast börn er þeim mælt frá því að borða grind­hval.