„Ég er ekki í beinni hættu þar sem sem ég bý í lok­aðri götu sem er gætt af örygg­is­vörðum allan sól­ar­hring­inn. Á nótt­unni passar örygg­is­vörður á mót­or­hjóli húsin. Ég lifi að hluta til sem fangi í eigin húsi; ég fer bara út ef ég verð að gera það: Til að kaupa mat, fara til læknis og slíkt. Ég hef það ennþá til­tölu­lega gott miðað við fátækara fólk sem margt hvert er að deyja úr hungri,“ segir Blanca Lamus Pirela, 63 ára gömul kona, sem býr í borg­inni Maracaibo í vest­ur­hluta Venes­ú­ela þegar hún ræðir um ástandið í Venes­ú­ela sem rambar á barmi borg­ara­styrj­aldar. 

Blóðug mót­mæli hafa geisað í Venes­ú­ela um meira en þriggja ára skeið þar sem and­stæð­ingum og gagn­rýnendum for­set­ans, Niclás Maduro, hefur lent saman við lög­reglu, her­menn og stuðn­ings­menn Maduros. Maduro er eft­ir­maður Hugo Chavez sem var for­seti Venes­ú­ela í fjórtán ár, frá 1999 til 2013, þegar hann …