Gyde Rudolph er ungur Þjóðverji sem kom til Íslands fyrir tæpum tveimur árum, settist að á Húsavík og er strax farin að láta til sín taka í samfélagsmálum fyrir norðan. Hún vinnur nú hörðum höndum að því að setja á fót bláan samfélagsgarð, eitthvað sem aldrei hefur verið gert hér á landi, en hefur fengið gríðarlega góð viðbrögð um allt land.

Gyde er með meistaragráðu frá háskólanum í Gautaborg og sú gráða leiddi hana til Íslands. Hún fékk tækifæri til að fara í starfsnám erlendis og hafði alltaf haft mikinn áhuga á að fara til Íslands og úr varð að hún fór í tvenns konar starfsnám hér á landi. Fyrra starfsnámið var í Reykjavík hjá Sjávarklasanum og seinna starfsnámið var á Húsavík hjá Rannsóknasetri Háskóla Íslands.

Fljótandi kennslustofa

„Verkefnið snýst um að koma á fót svokölluðum bláum samfélagsgarði í höfninni hér á Húsavík. Þetta er eitthvað sem hefur verið gert …