Bandaríkin ætla að stýra Venesúela og nota olíuna

„Við ætlum að stýra land­inu,“ sagði Donald Trump Banda­ríkja­for­seti rétt í þessu í ávarpi til þjóðar sinnar eftir árás á Venes­ú­ela og hand­töku á for­set­anum Niculas Maduro, undir því yfir­skini að hann hafi átt aðild að fíkni­efna­smygli.

Trump tal­aði opin­skátt um að banda­rísk olíu­fé­lag muni koma inn í landið og nýta olíu­forða lands­ins, sem eru þær mestu í heim­inum. Um athuga­semdir ann­arra þjóða sagði Trump að þær fengju að kaupa olíu. 

„Við munum selja olíu. Við erum í olíu­brans­anum. Við munum selja mikið magn af olíu til margra landa.“

Bandarísk olíufélög fari til landsins

Trump tal­aði um olíu­brans­ann í Venes­ú­ela. Hann sagði olíu­fram­leiðsu of litla. 

„Við ætlum að láta okkar mjög stóru banda­rísku olíu­fyr­ir­tæki, þau stærstu í heimi, fara þangað inn, eyða millj­örðum doll­ara, gera við illa farna inn­viði, olíu­inn­við­ina, og byrja að afla tekna fyrir landið,“ sagði Trump.

Þá segir Trump að Banda­ríkin hafi verið reiðu­búin í að gera meiri árásir. „Við erum til­búin að leggja upp í mun stærri árás ef þess þarf.“

Stjórn Banda­ríkj­anna á Venes­ú­ela heldur áfram þar til Trump metur sem svo að hægt sé að fram­fylgja stjórn­ar­skiptum með lög­mætum hætti.

„Við getum ekki hætt á að ein­hver annar taki yfir Venes­ú­ela sem hefur ekki hags­muni Venes­ú­ela í huga,“ sagði Trump.

Aðspurður sagði hann banda­ríska her­menn verða á svæð­inu áfram. „Við erum ekki hrædd við það. Við munum sjá til þess að land­inu verði stjórnað almenni­lega,“ sagði hann.

Kínversk sendinefnd hitti Maduro

Greint hefur verið frá því að skömmu fyrir árás­ina í morgun hafi Maduro hitt kín­verska sendi­nefnd í Caracas, sem enn er í land­inu.

Trump segir að Banda­ríkin hafi átt til­kall til olíu­inn­viða í Venes­ú­ela eftir rík­i­s­væð­ingu Venes­ú­ela á þeim. „Þeir tóku eign okkar,“ sagði hann.

Þá boðar hann end­ur­reisn Monroe-kenn­ing­ar­innar um yfir­ráð Banda­ríkj­anna í Suður-Ameríku, sem nú sé kölluð Donroe-kenn­ingin. „Við gleymdum henni,“ segir Trump. „En ekki lengur.“

„Við erum að end­ur­reisa banda­rískt vald á heima­svæð­inu okkar,“ segir Trump.

Munu beita valdi sínu hvar sem er

Samkvæmt yfir­lýs­ingum á blaða­manna­fund­inum er árásin á Venes­ú­ela fyr­ir­boði þess sem koma skal.

„Banda­ríkja getur varpað sínum vilja hvar sem er hvenær sem er,“ sagði Pete Hegseth, stríðs­mála­ráð­herra Banda­ríkj­anna, á blaða­manna­fund­inum. Hann segir að Banda­ríkj­unum sé dauð­ans alvara með að hafa yfir­ráð yfir vest­ur­hvelinu.

„Þetta er Banda­ríkin fyrst. Þetta er friður með styrk. Velkomin í 2026. Undir Trump for­seta eru Banda­ríkin snúin aftur.“

Slökktu ljósin í Caracas

Á blaða­manna­fund­inum var aðferð­inni við árás­ina lýst. Meira en 150 loft­för fóru af stað frá 20 stöðum. Trump gaf til kynna að Banda­ríkin hefðu slökkt ljósin.

„Það var dimmt. Ljósin í Caracas voru að mestu slökkt vegna ákveð­innar sér­þekk­ingar sem við búum yfir,“ sagði Trump á blaða­manna­fundi.

Þá hafi tek­ist að slökkva á loft­varn­ar­kerfum í Caracas svo þyrlur næðu að kom­ast á áfanga­stað. 

Allar flug­vélar og þyrlur komu heil til baka og eng­inn banda­rískur her­maður lést. Ekki hefur komið fram hvert mann­fall í Venes­ú­ela hefur verið við árás­irnar.

Maduro og eig­in­kona hans eru nú á skipi á leið til New York þar sem þau verða ákærð vegna meintrar aðkomu að fíkni­efna­smygli.

Marco Rubio, utan­rík­is­ráð­herra Banda­ríkj­anna, sagði að nú ætti fólk að taka Trump alvar­lega.

„Þegar hann seg­ist ætla að gera eitt­hvað, þá gerir hann það. Nú vitið þið það. Fólk þarf að skilja að þetta er ekki for­seti sem talar bara. Ef hann segir að honum sé alvara með eitt­hvað, þá meinar hann það. Þetta er for­seti friðar,“ sagði hann.

Trump hefur til við­bótar við hót­anir gegn Venes­ú­ela boðað að hann vilji inn­lima Grænland í Banda­ríkin og kallað Kanada 51 ríki Banda­ríkj­anna.

Þingið ekki með í ráðum

Marco Rubio svar­aði því að Trump-stjórnin hefði ekki haft sam­ráð við þingið vegna árás­ar­innar, en sam­kvæmt stjórn­ar­skrá Banda­ríkj­anna hefur þingið valdið til að lýsa yfir stríði. „Þetta var mikið til lög­reglu­að­gerð,“ sagði Rubio.

Trump sagði að þingið hefði til­hneig­ingu til að leka upp­lýs­ingum.

Spurður hvort hann hefði áhyggjur af því að þurfa að stýra Venes­ú­ela til lengra sagði Trump: „Það mun ekki kosta okkur neitt því pen­ing­ur­inn sem kemur upp úr jörð­inni verður tölu­verður.“

Kúba næst?

Spurðir hvort Kúba væri næsta skot­mark neit­uðu hvorki Trump né Rubio því. 

„Kúba er áhuga­vert til­felli. Fólkið hefur þjáðst í mörg ár. Ég held að Kúba sé eitt­hvað sem við munum enda á að tala um.“

Rubio end­ur­tók að taka ætti for­set­ann alvar­lega.