„Ísland er okkur kært því Ísland var eitt fyrsta ríkið sem við­ur­kenndi sjálf­stætt ríki Palest­ínu,“ segir Varsen Aghabekian utan­rík­is­ráð­herra Palest­ínu og bætir við: „Ef að fleiri hefði gert það á sama tíma og Ísland hefði staðan kannski verið önnur í dag.“

Aghabekian hélt erindi á árlegri frið­ar­ráð­stefnu Höfða frið­ar­set­urs sem fer fram í Veröld húsi Vigdísar í Háskóla Íslands. Í erind­inu lagði hún áherslu á mik­il­vægi alþjóða­laga sem hún sagði hafi verið virt að vettugi und­an­farin ár. Skortur á beit­ingu þeirra telur hún eina ástæða hörm­ung­anna í Palest­ínu.

„[Alþjóða­lög] ættu að koma í veg fyrir her­námið sem ég hef lifað við í mörg ár,“ sagði ráð­herr­ann og benti á að það fari eftir því hvar í heim­inum fólk sér hvort að alþjóða­lög séu virt eða ekki. 

Ekkert rétt­lætti það sem hefur átt sér stað á Gaza. Þá ætti aðgerða­leysi gagn­vart Ísrael – sem hafi brotið alþjóða­lög – …