Íslandsbanki og fjármálafyrirtækið Skagi stefna að því að sameinast á næstu misserum. Verði af samrunanum munu margir af þeim sem annað hvort áttu eða stýrðu Glitni banka, fyrirrennara Íslandsbanka, fyrir bankahrun snúa aftur í eigendahóp hans. Meðal þeirra sem verða í hópi stærstu eigenda bankans er fyrrverandi bankastjóri hans.

Jón Ásgeir Jóhannesson, einn af aðaleigendum og stærstu skuldurum Glitnis banka fyrir hrun, og Bjarni Ármannsson, fyrrverandi bankastjóri bankans, eru helstu fjárfestarnir á bak við Skaga. Fari svo að af sameiningu Skaga og Íslandsbanka verði verða þeir í forsvari fyrir félög sem verða meðal stærstu einstöku hluthafa bankans. 

StjórnarformaðurJón Ásgeir er stjórnarformaður Skeljar, sem er einn af stærstu hluthöfum Skaga. Félagið mun verða einn af stærstu einstöku hluthöfum Íslandsbanka, verði af sameiningu bankans og Skaga.

Mynd: SKEL

Fjárfestingafélag Bjarna, Sjávarsýn, er stærsti einstaki hluthafinn í Skaga, með 9,1 prósenta hlut. SKEL fjárfestingafélag, þar sem Jón Ásgeir Jóhannesson gegnir stjórnarformennsku, er …