Evrópusambandið hefur lagt fram á ætlun sem fjallar um allt frá því að draga úr geimrusli sem safnast hefur fyrir á braut um jörðu og yfir í að vernda gervihnetti gegn netárásum. Áætlunin gengur út á að að samræma lög innan sambandsins um geiminn og efla samkeppnishæfni evrópsks geimiðnaðar.

Áhugi einkaaðila á geimnum hefur aukist gríðarlega á undanförnum árum, en Evrópa á í vök að verjast gagnvart keppinautum sínum í Bandaríkjunum og Kína. Samkvæmt framkvæmdastjórn ESB má hluta skýringarinnar rekja til þess að innan sambandsins gilda ólík lög eftir aðildarríkjum, sem gerir starfsemi fyrirtækja erfiðari innan 27 ríkja sambandsins.

Sem stendur hafa tólf aðildarríki sett lagaramma um geimstarfsemi og eitt til viðbótar vinnur að slíku, sagði Andrius Kubilius, framkvæmdastjóri geimmála hjá ESB. 

„Þessi sundrung er slæm fyrir atvinnulífið, slæm fyrir samkeppnishæfni okkar og slæm fyrir framtíð Evrópu í geimnum,“ sagði Kubilius við kynningu á áformum framkvæmdastjórnarinnar í Brussel. „Í dag …