Ísraelsher gerði á miðvikudag loftárás á kjarnorkutengt mannvirki nærri Teheran. Um leið fullyrti Íran að það hefði beitt ofurhljóðaflaugum í árásum á Tel Aviv, á sjötta degi átaka á milli ríkjanna tveggja. 

Skömmu eftir að Donald Trump Bandaríkjaforseti krafðist skilyrðislausrar uppgjafar Írans hét æðsti leiðtogi landsins, Ayatollah Ali Khamenei, því að Ísrael myndi ekki fá að njóta neinnar miskunnar. Trump hefur haldið því fram að Bandaríkin eigi engan þátt í árásum bandalagsríkisins Ísraels, en viðurkenndi um leið að þolinmæði hans væri á þrotum.

Átökin hófust síðastliðinn föstudag þegar Ísrael réðst í umfangsmikla loftárásaherferð. Íran brást við með eldflaugaskotum og drónaárásum. Á miðvikudagsmorgun, eftir að ísraelski herinn hvatti íbúa í einu hverfi Teheran til að yfirgefa svæðið, gerðu ísraelskar orrustuþotur árás á höfuðborgina.

„Yfir fimmtíu orrustuþotur ísraelska flughersins framkvæmdu loftárásir á svæðið í kringum Teheran síðustu klukkustundir,“ sagði í tilkynningu frá hernum. Þar kom einnig fram að skotið hefði verið á …