Fyrir tæpum tveimur milljörðum ára runnu þrjár stórar eyjar saman við miðbaug um það bil 2.000 kílómetra norðaustur af þeim stað þar sem Ástralía lúrir nú. Köllum nýju, sameinuðu eyjuna Balticu, því það gera vísindamenn.

Ef við skiptum allri hinni 4,5 milljarða ára sögu Jarðar niður í eitt ár, þá gerðist þetta þann 23. júlí, um hálfáttaleytið að morgni.

Jörðin var þá harla ólík því sem við þekkjum nú.

Hún snerist til dæmis mun hraðar um möndul sinn svo sólarhringurinn var aðeins 18–20 tíma langur. Það þýddi að nærri 450 dagar voru í árinu.

Tunglið var mun nær en núna; það var um 25 prósent stærra á himninum en við eigum að venjast. Munur á flóði og fjöru hefur verið 2–3 sinnum meiri en nú og víða munað mörgum metrum.

Hitinn á yfirborðinu var 30–40 gráður á Celsíus. Ástæðan fyrir hitanum lá í miklu metani og koltvísýringi í andrúmsloftinu. …