Afgerandi meirihluti landsmanna er hlynntur breytingum á veiðigjöldum, sem Samtök fyrirtækja í sjávarútvegi (SFS) hafa mótmælt í auglýsingaherferð að undanförnu. Þá er hreinn meirihluti landsmanna „mjög neikvæður“ gagnvart auglýsingunum.
Stuðningurinn við frumvarpið hefur aukist eftir auglýsingaherferð SFS.
Alls eru 50,5% landsmanna „mjög hlynnt“ frumvarpi atvinnuvegaráðherra um breytingar á veiðigjöldum og 18,5% „fremur hlynnt,“ samkvæmt nýrri könnun Maskínu. Tæp 10% eru „mjög andvíg“ en 8,2% „fremur andvíg“.
Samtals eru 18% landsmanna andvíg frumvarpinu, en 69% hlynnt í könnuninni nú, en í mars voru 4 prósentustigum fleiri andvíg frumvarpinu og 6 prósentustigum færri fylgjandi því. Umræðan og markaðsstarf SFS virðast því hafa haf öfug áhrif. Enn telja 28% sig þekkja frumvarpið illa, rúmlega þriðjungur þekkir það í meðallagi og 38% þekkja það vel.

Við skulum þakka fyrir á meðan þessir arðræningjar sýna sitt rétta innræti, ræna heilu samfélögin lífsviðurværi sínu og það án þess að blikna. Fá einn EXIT leikarann til að auglýsa innræti sitt. Er hægt að vera heimskari🥴😳🤣🤣🤣