Fréttir

195 þúsund óheimilar uppflettingar í sjúkraskrám

Heilsu­gæsl­an á höf­uð­borg­ar­svæð­inu var sekt­uð um fimm millj­ón­ir fyr­ir að veita tólf fyr­ir­tækj­um og stofn­un­um að­gang að sam­eig­in­legu sjúkra­skrár­kerfi.

195 þúsund óheimilar uppflettingar í sjúkraskrám
Heilsugæslan áréttar að ekkert tjón hafi hlotist af uppflettingunum.
Birtist fyrir ári.

Persónuvernd sektaði Heilsugæsluna á Höfuðborgarsvæðinu (HH) um fimm milljónir króna fyrir að hafa veitt tólf aðilum aðgang að sameiginlegu sjúkraskrárkerfi HH án þess að sýna fram á að sú vinnsla persónuupplýsinga hafi verið heimil. Úrskurður þess eðlis birtist á vef Persónuverndar í gær. Málið komst upp eftir að einstaklingur kvartaði undan uppflettingum Samgöngustofu í sjúkraskrárkerfinu.

Úrskurður hvað það varðaði féll síðasta haust. Lokað var fyrir aðgang Samgöngustofu í lok september eftir að embætti Landlæknis gerði athugasemdir við aðgang Samgöngustofu. Í kjölfarið rannsakaði Persónuvernd aðganginn að kerfinu og kom þá í ljós að á meðal þeirra sem höfðu aðgang að sjúkraskrárkerfinu voru Knattspyrnusamband Íslands, Fluglæknasetrið og Janus endurhæfing. Auk þeirra höfðu eftirfarandi fyrirtæki og stofnanir aðgang að sameiginlegu sjúkraskrárkerfi HH: Heimaþjónusta Reykjavíkur, Heilsugæslan Höfði, Heilsugæslan Salahverfi, Heilsugæslan Urðarhvarfi, Heilsugæslan Höfða Suðurnesjum, Velferðarsvið Reykjavíkurborgar og Vinnumálastofnun.

195 þúsund flett upp af 517 þúsund

Í úskurðinum kemur fram að fjöldi skráðra einstaklinga sem flett hafi verið upp í kerfinu af einhverjum ofangreindra aðila, sé um 195 þúsund en í kerfinu öllu megi finna 517 þúsund einstaklinga, lífs eða liðna, innlenda sem erlenda. Ekki séu hins vegar heilsufarsupplýsingar um alla umrædda einstaklinga til staðar í grunninum, þar sem stofnun sjúklings í sjúklingagrunn geti byggt á öðrum aðstæðum en beinni heimsókn skjólstæðings í leit að heilbrigðisþjónustu.

Í úrskurðinum kemur fram að heilbrigðisstarfsmönnum sé heimilt, með leyfi ráðherra, að færa og varðveita sjúkraskrár sjúklinga sem koma til meðferðar hjá þeim í sameiginlegu rafrænu sjúkraskrárkerfi, ef sýnt er fram á að það sé til þess fallið að tryggja betur öryggi sjúklinga. Hins vegar liggur fyrir að leyfis ráðherra var ekki aflað í tilvikum sem til umfjöllunar eru í þessu máli, né var leitað staðfestingar Persónuverndar á að öryggi persónuupplýsinga væri tryggt í hinu sameiginlega sjúkraskrárkerfi. Af þessum ástæðum hafi Persónuvernd sektað HH.

Ekkert tjón

Í yfirlýsingu HH kemur meðal annars fram að í ákvörðun Persónuverndar komi fram að ekkert tjón virðist hafa orðið vegna málsins og að HH hafi brugðist hratt við athugasemdum stofnunarinnar. Eftir úttekt HH er enginn grunur um að þeir sem fengu aðgengi að sjúkraskrá með samningunum hafi misnotað aðganginn á nokkurn hátt.

Svo segir í lok yfirlýsingar: „Niðurstaða Persónuverndar var sú að HH hafi átt að afla leyfis frá stofnuninni og fá samningana staðfesta af heilbrigðisráðuneytinu, sem hafi ekki verið gert. HH gengst við því að annmarkar hafi verið á meðferð samninganna. Þegar hefur verið brugðist við athugasemdum Persónuverndar og er vinna við að fá samningana staðfesta þegar í gangi. Að öðru leyti lítur HH svo á að málinu sé lokið.“

Kjósa
22
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Ásgeir Överby skrifaði
    18. febrúar 2025 15:17
    "Eftir úttekt HH er enginn grunur um að þeir sem fengu aðgengi að sjúkraskrá með samningunum hafi misnotað aðganginn á nokkurn hátt."
    Það verður aldrei vitað. Það er auðvelt að afrita allt sem birtisit á skjánum.
    6
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

„Fólk er hrætt”
1
Viðtal

„Fólk er hrætt”

„Ef þú býrð í landi þar sem ver­ið er að fylgj­ast með þér, þá er það veru­leiki sem þú þarft að díla við,” seg­ir Magnús Þorkell Bern­harðs­son, Mið-Aust­ur­landa­fræð­ing­ur við Williams Col­l­e­ge í Banda­ríkj­un­um og gesta­pró­fess­or við guð­fræði- og trú­ar­bragða­fræði­deild HÍ – sem ný­ver­ið flutti hér á landi fyr­ir­lestra, ann­an um Ír­an og eld­fimt ástand vegna inn­rás­ar þar, hinn um að­þrengt aka­demískt frelsi í Banda­ríkj­un­um.

Mest lesið

Mest lesið í vikunni

„Það hentar þeim ekki að almenningur í landinu vakni“
2
Viðtal

„Það hent­ar þeim ekki að al­menn­ing­ur í land­inu vakni“

Þor­gerð­ur Katrín Gunn­ars­dótt­ir ut­an­rík­is­ráð­herra seg­ir Sjálf­stæð­is­flokk og Mið­flokk beita áróðri gegn Evr­ópu­sam­bands­að­ild sem komi beint úr hand­bók Nig­el Fara­ge. Segi þjóð­in „já“ geti Ís­land orð­ið að­ild­ar­ríki í árs­lok 2028 en ef „nei“ verð­ur svar­ið komi það til kasta Al­þing­is að draga um­sókn­ina frá 2009 til baka.
„Fólk er hrætt”
4
Viðtal

„Fólk er hrætt”

„Ef þú býrð í landi þar sem ver­ið er að fylgj­ast með þér, þá er það veru­leiki sem þú þarft að díla við,” seg­ir Magnús Þorkell Bern­harðs­son, Mið-Aust­ur­landa­fræð­ing­ur við Williams Col­l­e­ge í Banda­ríkj­un­um og gesta­pró­fess­or við guð­fræði- og trú­ar­bragða­fræði­deild HÍ – sem ný­ver­ið flutti hér á landi fyr­ir­lestra, ann­an um Ír­an og eld­fimt ástand vegna inn­rás­ar þar, hinn um að­þrengt aka­demískt frelsi í Banda­ríkj­un­um.

Mest lesið í mánuðinum

Greiddu fyrrverandi oddvita 7 milljónir eftir að Framsókn fékk bæjarstjórastólinn
5
Stjórnmál

Greiddu fyrr­ver­andi odd­vita 7 millj­ón­ir eft­ir að Fram­sókn fékk bæj­ar­stjóra­stól­inn

Ný­stofn­að fé­lag Ág­ústs Bjarna Garð­ars­son­ar, fyrr­ver­andi odd­vita Fram­sókn­ar­flokks­ins í Hafnar­firði, fékk greiðsl­ur fyr­ir ráð­gjafa­störf eft­ir að flokks­bróð­ir hans, Valdi­mar Víð­is­son, tók við sem bæj­ar­stjóri. Ráð­gjafa­störf fyrr­um bæj­ar­stjóra Mos­fells­bæj­ar, Har­ald­ur Sverris­son, hóf­ust í tíð Rósu Guð­bjarts­dótt­ur, flokks­syst­ur hans.
Frjálshyggjumenn úr viðskiptalífinu gefa „þekktum hugsuðum“ sviðið
6
Innlent

Frjáls­hyggju­menn úr við­skipta­líf­inu gefa „þekkt­um hugs­uð­um“ svið­ið

Stjórn­end­ur Reykja­vík Fin­tech og Bæj­ar­ins Beztu Pyls­ur hafa stofn­að við­burða­fyr­ir­tæki eft­ir að hafa hald­ið fyr­ir­lestra með Jor­d­an Peter­son. Fyrstu við­burð­irn­ir eru með Frosta Sig­ur­jóns­syni um lofts­lags­mál og Bjórkast­inu, hlað­varpi þar sem stjórn­end­ur kenna sig við öfga­hægri og „kyn­þátt­ar­aun­sæi“.

Mest lesið í mánuðinum

Nýtt efni

Bókmenntabrú milli heimsálfa
Viðtal

Bók­mennta­brú milli heims­álfa

Þau Helen Cova og Sig­urð­ur Jök­uls­son vendu kvæði sínu í kross fyr­ir fjór­um ár­um, keyptu hús á Flat­eyri og hafa síð­an þá stofn­að bóka­út­gáfu sem og sett á fót bók­mennta­há­tíð þar í bæ. Þau segja að bóka­út­gáf­an Karíba sé bók­mennta­brú milli Suð­ur-Am­er­íku og Ís­lands og að mark­mið­ið með út­gáf­unni sé að kynna und­ur suð­rænna bók­mennta fyr­ir norðr­inu og að skapa bein tengsl við raun­veru­leika Suð­ur-Am­er­íku með aug­um þeirra fjöl­mörgu höf­unda.
„Fólk er hrætt”
Viðtal

„Fólk er hrætt”

„Ef þú býrð í landi þar sem ver­ið er að fylgj­ast með þér, þá er það veru­leiki sem þú þarft að díla við,” seg­ir Magnús Þorkell Bern­harðs­son, Mið-Aust­ur­landa­fræð­ing­ur við Williams Col­l­e­ge í Banda­ríkj­un­um og gesta­pró­fess­or við guð­fræði- og trú­ar­bragða­fræði­deild HÍ – sem ný­ver­ið flutti hér á landi fyr­ir­lestra, ann­an um Ír­an og eld­fimt ástand vegna inn­rás­ar þar, hinn um að­þrengt aka­demískt frelsi í Banda­ríkj­un­um.

Mest lesið undanfarið ár