Donald Trump tók á ný við embætti Bandaríkjaforseta í gær, við athöfn sem var frábrugðin flestum innsetningarathöfnum í seinni tíð, en hún var haldin innandyra vegna kuldakasts sem geisar á austurströnd Bandaríkjanna. Þetta er í fyrsta sinn síðan Ronald Reagan var settur í embætti í janúar árið 1985 sem gripið hefur verið til þessa ráðs. 

Trump hefur gripið athyglina undanfarnar vikur með ýmsum yfirlýsingum, um Kanada og Grænland meðal annars. Hann var búinn að boða mikinn fjölda forsetatilskipanna strax á fyrsta degi í embætti og hefur ekki setið aðgerðalaus.

Til dæmis eru Bandaríkin þegar búin að draga sig frá Parísarsamkomulaginu og út úr Alþjóða heilbrigðismálastofnuninni. Um 1.500 stuðningsmenn Trumps sem réðust að bandaríska þinghúsinu 6. janúar 2021 hafa svo verið náðaðir og sumir þeirra eru þegar lausir úr fangelsi.

Friðjón R. Friðjónsson borgarfulltrúi Sjálfstæðisflokks bjó um hríð í Bandaríkjunum og fylgist vel með þróun stjórnmála vestanhafs. Hann býst við því …