BHM og BSRB taka undir gagn­rýni Eflingar, Eflingar-Iðju og Alþýðu­sam­bands Íslands ásamt öðrum stétt­ar­fé­lögum innan þeirra vébanda varð­andi gervi­stétt­ar­fé­lagið „Virðingu“.

Félögin tvö sendu sam­eig­in­lega yfir­lýs­ingu þess eðlis á fjöl­miðla nú í morgun.

Það var Efling sem fyrst gagn­rýndi stétt­ar­fé­lagið Virðingu og sögðu þá í harð­orðri yfir­lýs­ingu að Virðing væri ekki raun­veru­legt stétt­ar­fé­lag heldur svika­mylla rekin af atvinnu­rek­endum í þeim til­gangi að skerða laun og rétt­indi starfs­fólks.

Þegar farið er inn á vef félags­ins má sjá að Jafet Thor Arnfjörð Sig­urð­ar­son hefur verið kjör­inn for­maður og með­stjórn­endur eru þau Jóhann Stef­áns­son og Jóhanna Sig­ur­björg Húnfjörð. Bæði eru þau eig­endur eða stjórn­endur veit­inga­staða, svo sem Litlu mat­hall­ar­innar á Akureyri, og svo fram­kvæmda­stjóri Kampa­víns­fé­lags­ins.

Fyrrverandi þingmaður framkvæmdastjóri

Þá vekur ekki síst athygli að fyrr­ver­andi þing­mað­ur­inn og sveit­ar­stjórn­ar­full­trú­inn Valdimar Leó Frið­riks­son er nýráð­inn fram­kvæmda­stjóri félags­ins og hefur störf í jan­úar næst­kom­andi. Hann sat á þingi fyrir Sam­fylk­ing­una og síðar Frjáls­lynda flokk­inn, sem féll af þingi nokkru síðar. 

Í til­kynn­ingu frá BSRB og BHM segir að félögin hafi bent á að atvinnu­rek­endur í veit­inga­rekstri, Samtök fyr­ir­tækja á veit­inga­mark­aði – SVEIT, hafi stofnað stétt­ar­fé­lag fyrir starfs­fólk á veit­inga­mark­aði. SVEIT er félag veit­inga­húsa­eig­enda og má þar finna nöfn eins og Skúla Sig­fús­son, oft kenndan við Subway, og Hrefnu Björk Sverr­is­dóttur, eig­anda veit­inga­stað­ar­ins ROK, sem sitja í stjórn félags­ins.

BRSB og Efling-Iðja segja að slík ráð­stöfun gangi gegn grund­vall­ar­reglum á vinnu­mark­aði, þar sem það er launa­fólkið sjálft sem stofnar sín stétt­ar­fé­lög, ekki atvinnu­rek­endur þeirra.

Ámælisvert að semja réttindin burt

Þegar eru í gildi kjara­samn­ingar um öll störf á veit­inga­húsum. Þar eru ákvæði um kjör og rétt­indi sem hafa náðst með ára­tuga­langri bar­áttu launa­fólks segir í til­kynn­ing­unni. 

Svo segir að það sé ámæl­is­vert að stétt­ar­fé­lag fyr­ir­tækja á veit­inga­mark­aði skuli hafa samið slík rétt­indi burt með einu penna­striki til hags­bóta fyrir atvinnu­rek­endur, en liðs­menn Virð­ingar virð­ast njóta lak­ari kjara að því er fram kemur í til­kynn­ingum bæði Eflingar sem og BHM og Efling-Iðju. Það lýsi sér í verri launa­kjörum, lak­ari orlofs­rétti, upp­sagn­ar­rétti og fleira.