Þessi grein birtist fyrir meira en mánuði.

Fréttir

Þorgerður Katrín: Segir skilaboð Sigmundar og Bjarna skýr um ESB

Sigurður Ingi Jóhannsson, formaður Framsóknarflokksins, sagðist ekki á leið í ríkisstjórn. Formaður Viðreisnar sagði viðhorf Sjálfstæðisflokksins og Miðflokks til kosninga um áframhaldandi samningaviðræður við ESB áhugaverð.

1. desember 2024 · 14:07

Valur Grettisson

valur@heimildin.is

„Þetta eru mjög skýr skilaboð,“ sagði Þorgerður Katrín Gunnarsdóttir, þegar rætt var um ESB í umræðuþætti RÚV með leiðtogum stjórnmálaflokkanna eftir að úrslit kosninganna voru kunngjörð.

„Mér þykir það mjög áhugavert,“ bætti hún við og ljóst að Viðreisn virðist afhuga því að ganga inn í „borgaralega“ ríkisstjórn eins og Sigmundur Davíð Gunnlaugsson og Bjarni Benediktsson sækjast eftir.

Síðustu tölur komnar

Síðustu tölur bárust seint frá Suðvesturkjördæmi, en þar tókst Sjálfstæðisflokknum að hífa sig upp fyrir nítján prósent. Eins er Samfylkingin fallin niður fyrir 21 prósent. Flokkur fólksins er í kjörstöðu til þess að mynda ríkisstjórn í báðar áttir, þó að ríkisstjórn Flokks fólksins, Sjálfstæðisflokks og Miðflokks myndi standa tæpt eða í 32 þingmönnum.

Datt inn á þing í beinni

Umræðurnar voru líflegar á RÚV en þá kom í ljós að Sigurður Ingi Jóhannsson, formaður Framsóknar, datt inn sem jöfnunarmaður og fær flokkurinn því sína tvo menn í Suðurkjördæmi. Í fyrsta sæti var fyrrum forsetaframbjóðandi, Halla Hrund Logadóttir.

Sigurður Ingi sagðist ósáttur við niðurstöðuna fyrir sinn flokk og sagði kosningarnar mark um ákall um breytingar og má segja að hann hafi að miklu leyti útilokað að ganga inn í ríkisstjórn þegar hann sagði: „Ég fylgist spenntur með, en við erum ekki á leið inn í þessa ríkisstjórn.“

Sagði Sigurður Ingi að það sem stæði helst í honum væri afstaða Viðreisnar og Samfylkingarinnar til ESB.

Sigmundur Davíð gagnrýndi einnig Viðreisn þegar Þorgerður Katrín spurði hvort það mætti ekki treysta þjóðinni og Bjarni Benediktsson, formaður Sjálfstæðisflokksins, tók í svipaðan streng. Af umræðunni að dæma mátti draga þá ályktun að Viðreisn myndi ekki halla sér að hinu „borgaralega“ bandalagi.

Niðurstaðan vonbrigði

Sigurður Ingi sagði það vonbrigði að Framsókn hefði ekki náð betri kosningu en Bjarni sagði niðurstöðuna ágæta þó heilt á litið væri þetta óásættanleg niðurstaða. Þá þótti honum ríkisstjórnin ekki hafa fengið að njóta sannmælis vegna heimsfaraldurs, styrjaldar í Evrópu og svo hamfara í Grindavík. Allt þetta hafi reynt verulega á efnahagsstjórnina en þó stefndi allt í að framtíðin væri björt þökk væri fráfarandi ríkisstjórn.

Þá sagði Bjarni að hann væri glaður yfir því að það væru aðeins sex flokkar á þingi en ekki átta, en tveir náðu ekki á þing. Sagði hann það einfalda málin.

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Viðtal

Ásgeir greindist með banvænt krabbamein: „Ég ætla samt að halda partí“

Ásgeir H. Ingólfsson fékk nýverið dauðadóm, eins og hann orðar það. Krabbameinið sem hann greindist með er ekki tækt til meðferðar. Ljóðskáldið og blaðamaðurinn býður því til Lífskviðu; mannfagnaðar og listviðburðar á Götu sólarinnar við Kjarnaskóg. Ásgeir frábiður sér orðið æðruleysi í þessu samhengi, því auðvitað sé hann „alveg hundfúll.“

Það sem ég hef lært

Lilja Rafney Magnúsdóttir

Þú færð ekki allt sem þú vilt og vilt ekki allt sem þú færð

Erfiðleikar geta verið styrkjandi. Það lærði Lilja Rafney Magnúsdóttir þingmaður þegar eiginmaður hennar veiktist alvarlega og lá á sjúkrahúsi í eitt ár en náði að lokum þeim styrk að komast heim og aftur út í lífið. Hún hefur einnig lært að það er engin leið að hætta í pólitík og nú hefur lífið fært henni það verkefni að taka sæti aftur á Alþingi eftir þriggja ára hvíldarinnlögn heima á Suðureyri, eins og hún orðar það.

Fréttir

Kærir Sindra fyrir fjárdrátt í Tjarnarbíó: „Ég er sjálfur í miklu áfalli“

Snæbjörn Brynjarsson, leikhússtjóri Tjarnarbíós, segist vera í miklu áfalli vegna meints fjárdrátts fyrrverandi framkvæmdastjóra. Tjarnarbíó mun leggja fram kæru á hendur Sindra Þór Sigríðarsyni sem er grunaður um að hafa dregið sér minnst 13 milljónir á nokkurra ára tímabili.

Leiðari

Jón Trausti Reynisson

Heimurinn er undir álögum narsissista

Allt er falt og ekkert hefur virði í sjálfu sér þegar narsissískur trumpismi hefur útþenslu.

Úttekt

Bláa gullið við hraunjaðarinn: Dreifa áhættunni og sér um leið

Eigendur Bláa lónsins hafa grætt milljarða á að selja ferðamönnum aðgengi að lóninu, sem er í raun affallsvatn af virkjun í Svartsengi. Eftir að eldsumbrot hófust í bakgarði lónsins, sem þó er varið gríðarstórum varnargörðum, hafa stjórnendur leitað leiða til að dreifa áhættu og fjárfest í ferðaþjónustu fjarri hættu á rennandi hrauni. Tugmilljarða hagsmunir eru á áframhaldandi velgengni lónsins en nær allir lífeyrissjóðir landsins hafa fjárfest í því.

Fréttir

Þórdís Kolbrún sækist ekki eftir formennsku

Þórdís Kolbrún Reykfjörð Gylfadóttir mun ekki sækjast eftir embætti á landsfundi Sjálfstæðisflokksins í febrúar.

Mest lesið

Mest lesið í vikunni

ViðtalMóðursýkiskastið

Sett á lyf sem reyndust hættuleg

Ásta Þórdís Skjalddal gekk í 25 ár á milli lækna þar til hún fékk loks rétta sjúkdómsgreiningu. Aftur og aftur var hún sett á lyf við sjúkdómi sem hún var ekki með. Í tvígang voru lyfin sem hún var á tekin úr sölu því þau voru talin hættuleg heilsu fólks. „Það var enginn sem hlustaði,“ segir Ásta.

Fréttir

Sigurjón sagði hana einfalda en skemmtilega - Enginn mannanna fékk samþykki

Enginn þeirra karlmanna sem komu á heimili þroskaskertrar konu til að hafa kynmök við hana var ákærður. Þó hafði enginn þeirra fengið samþykki hennar. Sálfræðingur segir hana hafa upplifað sjálfsvígshugsanir á þessu tímabili. Óútskýrðar tafir á lögreglurannsókn leiddu til mildunar refsingar yfir Sigurjóni Ólafssyni, fyrrverandi yfirmanni konunnar.

Flækjusagan

Það rís úr djúpinu 1: Gríðarlegt vatnsmagn leynist á 660 kílómetra dýpi, og demantar

Fyrir fáeinum dögum birti vefritið Science Alert fregn um rannsókn, sem raunar var gerð árið 2022, en hefur ekki farið hátt fyrr en nú. Hér er frásögn Science Alert. Rannsakaður var örlítill demantur sem fundist hafði í demantanámu í ríkinu Bótsvana í suðurhluta Afríku. Hér er sagt frá þeirri rannsókn í vefritinu Nature.com. Í ljós kom að demanturinn hafði myndast...

Fréttir

Fyrsta barnið fætt á Seyðisfirði í yfir 30 ár - „Fór allt á besta veg miðað við aðstæður“

Fyrsta barnið í yfir þrjá áratugi fæddist á Seyðisfirði í dag eftir snjóþunga nótt þar sem Fjarðarheiðin var ófær. Varðskipið Freyja var einnig til taks ef flytja þyrfti móðurina á Neskaupsstað. „Þetta er enn ein áminningin um öryggisleysið sem við búum við,“ segir nýbökuð móðirin.

Greining

Sigmundur Davíð ver Musk með hæpnum samanburði

Á meðan að öfgamenn og nýnasistar víða um heim upplifa valdeflingu og viðurkenningu og fagna ankannalegri kveðju Elons Musks spyr fyrrverandi forsætisráðherra Íslands hvort íslenskir fjölmiðlar ætli í alvöru að flytja þá falsfrétt að handahreyfing sem leit út eins og nasistakveðja, frá manni sem veitir öfgafullum sjónarmiðum vængi flesta daga, hafi verið nasistakveðja.

Flækjusagan

Nei, Hitlers-kveðja Musks var EKKI ævaforn rómversk kveðja

Hin viðurstyggilega nasistakveðja Elons Musks daginn sem Donald Trump var settur í embætti hefur að vonum vakið mikla athygli. Kannski ekki síst vegna þess að kveðjuna lét Musk flakka úr ræðustól sem var rækilega merktur forseta Bandaríkjanna. Hin fasíska tilhneiging margra áhangenda Trumps hefur aldrei fyrr birst á jafn augljósan hátt — enda lét Musk sér ekki nægja að heilsa...

Mest lesið í mánuðinum

RannsóknCarbfix-málið

Viðskiptaáætlun Carbfix: Földu áform sín fyrir íbúum

Fyrirætlanir Carbfix eru mun umfangsmeiri en fram hefur komið. Stefnt er að því að dæla niður allt að 4,8 milljónum tonna af koldíoxíði (CO2) og fyrirtækið vonast til þess að velta hátt í þrjú hundruð milljörðum á fullum afköstum. Það er hærri upphæð en stærsta fyrirtæki landsins veltir í dag. Á meðal viðskiptavina er fyrirtæki sem framdi glæp gegn mannkyni og vill dæla niður CO2 á Íslandi.

Fréttir

Móðir Kolfinnu Eldeyjar: „Ég segi mína sögu því að samfélagið þarf að vakna“

Ingibjörg Dagný Ingadóttir, móðir Kolfinnu Eldeyjar Sigurðardóttur, opnar sig um andlát dóttur sinnar. Hún segir kerfin hafa brugðist barnsföður sínum, sem hefur verið ákærður fyrir að hafa ráðið dóttur þeirra bana. „Ég vissi strax í hjarta mínu að hann hefði ekki tekið meðvitaða ákvörðun um að gera svona lagað“.

Það sem ég hef lært

Tobba Marinósdóttir

Fengitíminn löngu liðinn

Tobba Marinósdóttir er orðin klár. „Klár í að láta það laskaða dæma sig sjálft.“

ViðtalMóðursýkiskastið

Sett á lyf sem reyndust hættuleg

ViðtalMóðursýkiskastið

Grátbað um myndatöku fyrir barnið sem leiddi í ljós heilaæxli

Mánuðum saman þurfti Hrund Ólafsdóttir að grátbiðja lækni um að senda Sigrúnu, dóttur hennar, í myndatöku vegna alvarlegra veikinda sem voru skilgreind sem mígreni. „Barnið bara kvaldist og kvaldist og kvaldist og kvaldist.“ Þegar hún loks fékk ósk sína uppfyllta kom í ljós fimm sentímetra stórt æxli í litla heila Sigrúnar.

Erlent

Söguleg stund í Danmörku

Þeir Danir sem settust við sjónvarpstækin klukkan sex á gamlársdag sáu strax að eitthvað var breytt. Friðrik konungur kom gangandi inn í móttökuherbergið, settist við borð og hóf lesturinn. Þetta var söguleg stund. Í fyrsta sinn sem nýr konungur ávarpaði dönsku þjóðina í nýársávarpi.