Kappræður Heimildarinnar fara fram þriðjudaginn 26. nóvember og hefjast klukkan 20. Fyrir svörum sitja leiðtogar flokka sem eru í framboði til Alþingis og mælast með 2,5 prósent fylgi eða meira í kosningaspá Heimildarinnar. Spyrlar eru Aðalsteinn Kjartansson og Ragnhildur Þrastardóttir. 

Áhorfendur verða í sal. Miðasala á kappræðurnar fer fram á TIX og hefst klukkan 10 í dag, fimmtudag. Bein útsending verður frá kappræðunum á vef Heimildarinnar.

Þá verður slegið upp lýðræðishátíð sem fer fram í fremri sal Tjarnarbíó og hefst klukkan 18. Aðgangur að lýðræðishátíðinni er ókeypis og er hún öllum opin. 

Húsið opnar klukkan 18 og verður opið fram á kvöld. Framboð til Alþingis sem mælast með 2,5 prósenta fylgi eða meira í kosningaspá Heimildarinnar munu þar fá úthlutuðu borði og geta sett upp varning, kynningarefni og verið með fulltrúa á staðnum sem ræða við gesti og gangandi. 

Formenn flokka sem bjóða fram til Alþingis og mælast með 2,5 prósenta fylgi eða meira hafa allir fengið boð um viðtal í Heimildinni til að kynna sín áherslumál, og þegar hafa fjögur þeirra verið birt. Sami rammi er um öll viðtölin og dregið var um dagsetningar. Formannaviðtölin birtast bæði í blöðum og á vefsíðu Heimildarinnar og hægt er að nálgast hljóðútgáfu af viðtölunum. 

Í blaðinu hefur einnig fjallað um helstu áherslumálin í komandi kosningum undir liðnum: Um hvað er kosið? Þegar hefur verið fjallað um húsnæðismál, utanríkismál, geðheilbrigði og verðhækkanir á matarkörfunni. 

Pressa, þjóðmálaþáttur Heimildarinnar, er í beinni útsendingu á föstudögum klukkan tólf á hádegi og er aðgengilegur áskrifendum á vefnum. Alþingismenn og frambjóðendur sitja fyrir svörum í Pressu fram að kosningum.