Þann 21. októ­ber stóð til að setja upp tékk­nesku sýn­ing­una Měsíční kámen í Þjóð­leik­húsi Slóvakíu. Měsíční kámen þýðir Mána­steinn á tékk­nesku, en verkið er einmitt byggt á skáld­sög­unni Mána­steinn – dreng­ur­inn sem aldrei var til eftir Sjón. 

Verkið verður þó ekki sýnt í höf­uð­borg Slóvakíu á næst­unni, en nýr þjóð­leik­hús­stjóri ákvað að hætta við sýn­ing­una á síð­ustu stundu með því að neita að skrifa undir sam­starfs­samn­ing. Þetta segir á frétta­miðl­inum The Slovak Spectator.

Sýningin um Mána­stein átti að vera hluti af Drama Queer-hátíð­inni – alþjóð­legri leik­hús­há­tíð sem ein­blínir á upp­lif­anir hinsegin fólks. Hátíðin hefur verið í sam­starfi við Þjóð­leik­húsið í Brat­islava, höf­uð­borg Slóvakíu, síðan 2018. 

Tilnefnd af umdeildum menningarráðherra

Nýi þjóð­leik­hús­stjór­inn, sem heitir Zuzana Ťapáková, neit­aði að skrifa undir samn­ing­inn við Mána­stein. Ekki verður því unnt að sýna gesta­sýn­ing­una á hátíð­inni, því eng­inn önnur stað­setn­ing stenst þær kröfur …