Af þeim 3.445 sem fengu hæstar launa- og fjár­magnstekj­urnar í fyrra eru ein­ungis 659 kven­kyns, eða 19 pró­sent list­ans. Heild­ar­tekjur karl­mann­anna fyrir síð­asta ár voru ríf­lega 200 millj­arðar en kvenna tæpir 50 millj­arðar. 

Bæði með­al­tal og mið­gildi heild­ar­árs­tekna karla og kvenna á list­anum er mjög svipað, en með­al­tal heild­ar­árs­tekna á list­anum er 72 til 73 millj­ónir króna og mið­gildið tæpar 43 millj­ónir. 

Til þess að finna þrjár efstu kon­urnar á list­anum þarf að teygja sig niður í 13. sæti heild­ar­list­ans. Í efsta sæti kvenna­megin situr Þóra Hrönn Sig­ur­jóns­dóttir, en hún er í þriðja sæti heild­ar­list­ans og voru heild­ar­árs­tekjur hennar fyrir síð­asta ár 900 millj­ónum lægri en heild­ar­árs­tekjur manns­ins sem var í öðru sæti og tveimur millj­örðum lægri en þess í fyrsta sæti. 

Þóra starf­aði hjá útgerð­ar­fé­lag­inu Ósi sem Vinnslu­stöðin keypti í fyrra og hagn­að­ist Þóra og fjöl­skylda hennar – sér­stak­lega faðir hennar og aðal­eig­andi fyr­ir­tæk­is­ins, Sigurjón Ósk­ars­son, …