„Ég mun hrópa hallelúja uppi í Hallgrímskirkjuturni þegar þessi ríkisstjórn hefur lagt upp laupana“

„Við skulum gera okkur grein fyrir því að þessi rík­is­stjórn sem heldur áfram að níð­ast á þegn­unum hvern ein­asta dag og tekur í raun­inni ekki utan um neitt nema þá sem þurfa ekki á hjálp­inni að halda. Það er rík­is­stjórn sem á fyrir löngu að vera búin að pakka saman og pilla sig,“ sagði Inga í upp­hafi þing­fundar í morgun. 

Starfs­á­ætlun Alþingis hefur verið felld úr gildi en sam­komu­lag um þing­lok hefur ekki náðst. Þingmenn stjórn­ar­and­stöð­unnar gagn­rýna rík­is­stjórn­ina fyrir óvissu um afgreiðslu og for­gangs­röðun mála. Inga segir rík­is­stjórn­ina verk­stola og van­hæfa í störfum sínum. „Við höfum ekki vitað það síð­ustu fjórar vikur hvort við erum að koma eða fara í þessum þing­sal vegna þess að það logar allt stafn­anna á milli í þess­ari rík­is­stjórn. Innan gæsalappa,“ sagði Inga og hélt svo áfram: „Ég mun hrópa hall­elúja uppi í Hall­gríms­kirkju­turni þegar þessi rík­is­stjórn hefur lagt upp laupana og ein­hverjir aðrir hafa tekið við stjórn­ar­taumunum sem vita hvernig þeir eiga að fara með allt sam­fé­lagið en ekki bara hluta af því.“

Rík­is­stjórnin vinnur nú að því að koma sér saman um afgreiðslu mála fyrir þing­lok og mun Alþingi starfa áfram í næstu viku. Þingmenn Mið­flokks­ins íhuga að leggja fram van­traust á mat­væla­ráð­herra vegna ákvörð­unar hennar um að leyfa hval­veiðar til eins árs. 

Bergþór Ólason, þing­maður Mið­flokks­ins, segir í sam­tali við Morg­un­blaðið í dag að Bjarkey Olsen Gunn­ars­dóttir mat­væla­ráð­herra hafi ekki farið að ráð­legg­ingum sér­fræð­inga í ráðu­neyt­inu heldur „spilað póli­tískan leik þvert á lög og reglur.“ Bergþór spurði ráð­herra í óund­ir­búnum fyr­ir­spurn­ar­tíma á Alþingi í gær hvað sér­fræð­ingar ráðu­neyt­is­ins höfðu ráð­lagt henni að veita leyfi til hval­veiða í langan tíma. Bjarkey sagði að í sjálfu sér ráð­lögðu þeir henni ekki að fara fram yfir tvö ár „sökum þess að veiði­ráð­gjöfin er þar til staðar“. Bergþór segir í sam­tali við Morg­un­blaðið að ráð­herra hafi farið eins og köttur í kringum heitan graut í svari sínu. 

Bergþór telur að van­traust­s­til­lagan, verði hún lögð fram, verði það á þriðju­dag og von­ast hann þá til að hún verði á dag­skrá þings­ins á mið­viku­dag. 

Sigmar Guð­munds­son, þing­maður Við­reisnar, mun styðja van­traust­s­til­lögu Mið­flokks­ins á mat­væla­ráð­herra, verði hún lögð fram. „Aðal­at­riðið er þetta: Rík­is­stjórnin er ekki að ná utan um það verk­efni að vinna fyrir fólkið í land­inu,“ sagði Sigmar í störfum þings­ins á upp­hafi þing­funar í dag.