Sam­fylk­ingin mælist áfram sem áður langstærsti flokkur lands­ins, sam­kvæmt nýrri könnun Maskínu sem sýnir fylgi stjórn­mála­flokka í febr­úar. Alls segj­ast 27,2 pró­sent aðspurðra að þeir myndu kjósa flokk­inn ef kosið yrði í dag. Það er næstum því þrisvar sinnum meira fylgi en Sam­fylk­ingin fékk í síð­ustu kosn­ingum þegar 9,9 pró­sent kjós­enda settu X við S. Fylgið eykst lít­il­lega milli mán­aða, eða um 1,5 pró­sentu­stig.

Sá flokkur sem bætir mestu við sig milli mán­aða er Sjálf­stæð­is­flokk­ur­inn sem fer úr 16,6 í 18,4 pró­sent. Hann mælist þó enn 8,8 pró­sentu­stigum minni en Sam­fylk­ingin, en aukn­ing á fylgi beggja flokk­anna er innan þeirra vik­marka sem gilda í könn­un­inni, og sex pró­sentu­stigum minni en í síð­ustu kosn­ingum.

Þriðji stærsti flokkur lands­ins sam­kvæmt henni er Mið­flokk­ur­inn með 11,1 pró­sent fylgi en hann dalar lít­il­lega milli mán­aða. Þar á eftir koma Viðreisn með 9,2 pró­sent fylgi og Píratar með slétt níu pró­sent. 

Lítil breyt­ingFylgi stjórn­mála­flokka hreyf­ist lítið milli mán­aða.

Mynd: Maskína

Fram­sókn­ar­flokk­ur­inn mælist nú með 8,5 pró­sent fylgi sem er það minnsta sem hann hefur mælst með það sem af er kjör­tíma­bili, en alls kusu 17,3 pró­sent þátt­tak­enda í kosn­ing­unum í sept­em­ber 2021 flokk­inn. Hann hefur því tapað rúm­lega helm­ingi kjós­enda sinna frá því að kosið var síð­ast. 

Vinstri græn eru í enn verri stöðu, en alls segj­ast 5,9 pró­sent aðspurðra ætla að kjósa flokk for­sæt­is­ráð­herra. Vinstri græn fengu 12,6 pró­sent atkvæða i kosn­ing­unum haustið 2021 og hafa því tapað rúm­lega helm­ingi stuðn­ings síns. Af þeim flokkum sem mæl­ast inni á þingi mæl­ast Vinstri græn minnsti flokk­ur­inn af átta. 

Þar rétt fyrir ofan kemur Flokkur fólks­ins sem mælist nú með 6,4 pró­sent stuðn­ing og rétt fyrir neðan eru Sós­í­alista­flokkur Íslands sem mælist með 4,3 pró­sent.

Útlendingaumræða breytti litlu

Könnun Maskínu, sem fram­kvæmd var 7. til 27. febr­úar, er fyrsta könn­unin á fylgi flokka sem birt er síðan að útlend­inga­mál urðu fyr­ir­ferða­meiri í stjórn­mála­um­ræðu en þau hafa áður verið. Sú umræða, sem hefur meðal ann­ars lit­ast af yfir­lýs­ingum um að inn­viðir á Íslandi sé sprungið og að Ísland sé upp­selt gagn­vart flótta­fólki, leiddi meðal ann­ars af sér að rík­is­stjórnin sam­mælt­ist um nýja heild­ar­sýn í útlend­inga­málum sem kynnt var með til­kynn­ingu sem birt var á vef stjórn­ar­ráðs­ins 20. febr­úar síð­ast­lið­inn.

Þessi umræða virð­ist ekki hafa breytt stjórn­mála­lands­lag­inu mikið ef mið er tekið af könnun Maskínu. Fylgi flokka er meira og minna það sama og það var í jan­úar, og mán­uð­ina á undan. Sam­an­lagt fylgi stjórn­ar­flokk­anna þriggja: Sjálf­stæð­is­flokks, Fram­sókn­ar­flokks og Vinstri grænna, hefur til að mynda verið undir þriðj­ungi í könn­unum fyr­ir­tæk­is­ins frá því í des­em­ber og mælist nú 32,8 pró­sent. 

Athygli vekur að eini ald­urs­hóp­ur­inn þar sem Sjálf­stæð­is­flokk­ur­inn er með meiri stuðn­ing en Sam­fylk­ingin er sá yngsti, 18 til 29 ára, en þar segj­ast 23,6 pró­sent styðja Sjálf­stæð­is­flokk­inn á meðan að litlu færri, 22,7 pró­sent styðja Sam­fylk­ing­una. Í næsta ald­urs­hópi fyrir ofan, 30-39 ára, styðja hins vegar næstum því þrisvar sinnum fleiri Sam­fylk­ing­ina, alls 33,6 pró­sent, en Sjálf­stæð­is­flokk­inn, 11,8 pró­sent. Sam­fylk­ingin nýtur mest stuðn­ings hjá þeim sem eru með háskóla­próf á meðan að Sjálf­stæð­is­flokk­ur­inn nýtur mest stuðn­ings hjá þeim sem eru grunn­skóla­próf sem æðstu menntun. 

Alls tóku 1.706 svar­endur afstöðu til flokks í könn­un­inni.