Borgarráð Reykjavíkurborgar útnefndi í dag tónlistarkonuna Björk Guðmundsdóttur sem heiðursborgara Reykjavíkurborgar. 

Í tilkynningunni frá Reykjavíkurborg segir að Björk Guðmundsdóttir „hefur verið áberandi í íslensku og alþjóðlegu lista- og menningarlífi um fjögurra áratuga skeið, sem söngkona, tónskáld, plötuútgefandi og leikkona en einnig frumkvöðull og baráttukona á ýmsum sviðum. Hún er sá íslenski listamaður sem náð hefur mestri frægð utan landsteinanna en hún er ekki bara þekkt fyrir hæfileika sína og list, heldur einnig einstakan persónuleika sem skín í gegnum öll hennar verk. Fáir ef nokkrir hafa lyft nafni Reykjavíkur meira en Björk.“

Björk er fædd og uppalin í Reykjavík. Hún hóf sinn tónlistarferil aðeins ellefu ára gömul þegar hún hóf píanónám. Ári síðan, 1977, kom fyrsta platan hennar út þar sem hún söng meðal annars þekkt íslensk barnalög. „Hún var í hljómsveitinni Tappi tíkarrass en árið 1983 stofnaði hún ásamt fimm öðrum hljómsveitina KUKL, sem síðan þróaðist út í hljómsveitina Sykurmolarnir sem færði Björk heimsfrægð aðeins 21 árs gamalli,“ kemur fram í tilkynningunni frá Reykjavíkurborg.