Matseðill fíla og annarra dýra í dýragarðinum í Berlín í Þýskalandi var með frábrugðnum hætti í dag. Á boðstólunum voru jólatré sem ekki tókst að selja fyrir jólin. Jólaandinn fékk því að lifa örlítið lengur í dýragarðinum í dag.

Jólatrjáa-át dýranna er orðinn árlegur viðburður í dýragarðinum í Berlín. Fílarnir rifu greinarnar af trjánum með rananum sínum og jöpluðu á greinunum með bestu lyst eða köstuðu þeim í kringum sig. 

VísundiÞað mætti segja að þessi jólatré hafi öðlast einhverskonar seinna líf.

Mynd: AFP

Vísundarnir hreiðruðu um sig á trjánum áður en þeir mauluðu á greinunum en hreindýrin þefuðu og léku sér með greinarnar.  

Trén sem dýragarðurinn tekur á móti eru fersk, óseld jólatré frá völdum söluaðilum. Dýragarðurinn býður dýrunum ekki upp á jólatré sem staðið hafa í stofum yfir jólahátíðina, þar sem þau gætu innihaldið einhver eiturefni eða mögulega jólaskraut. 

Aðstoðarmenn jólasveinsinsHreindýrin vildu heldur leika með jólatrén en …