Í rannsókn, sem Kolbeinn H. Stefánsson, dósent við félagsráðgjafadeild Háskóla Íslands, gerði og birt verður í dag, segir að lágtekjufólk sé að nokkru leyti aðskilið frá bæði milli- og hátekjufólki í búsetu innan Reykjavíkur. Þessi aðskilnaður hefur samkvæmt rannsókninni aukist milli áranna 2000 og 2020.

Niðurstöður rannsóknarinnar benda enn fremur til vaxandi einangrunar lágtekjufólks á áðurnefndu tímabili og að ójöfnuður á milli skólahverfa hafi aukist frá árinu 2012. Samkvæmt þessu hefur aðskilnaður milli hópa eftir tekjum aukist í Reykjavík, einangrun lágtekjufólks er orðin meiri en hún var og þegar sjónum er beint að skólahverfum sérstaklega hefur ójöfnuður aukist síðustu tólf ár. 

Í skýrslunni segir að hvað varði stöðu skólahverfa sérstaklega, standi tvö hverfi upp úr fyrir góða stöðu þegar horft sé til tekna, það séu Fossvogsskólahverfi og …