Í febrúar 2022 varði fáliðað herlið Úkraínu hafnarborgina Mariupol, sem liggur meðfram strönd Azovhafs gegn margfalt stærra herliði Rússa, í 80 daga. Heimurinn fylgdist agndofa með fréttaflutningi frá borginni þegar rússneskar hersveitir, allt að átta sinnum fleiri en varnarliðið, mölvuðu borgina með hryllilegri sprengjuherferð sem á sér fáar hliðstæður úr mannkynssögunni.

John Spencer, forseti Urban warfare institute og sérfræðingur í borgarastríði, segir á heimasíðu sinni að vörnin um borgina hafi komið í veg fyrir að Rússar gætu flutt herlið og vígagögn til annarra hluta landsins. Þannig græddu hersveitir Úkraínu dýrmætan tíma sem hægt var að nýta í að verja önnur lykilsvæði og almennt er talið að vörnin um Mariupol hafi átt stóran hluta í að sókn Rússa í landinu hafi fjarað út.

Vörnin var vægast sagt ekki án kostnaðar. Stjórnvöld í Úkraínu telja að um 25 þúsund almennir borgarar hafi legið í valnum og upp undir 50 þúsund …