Saga Azov-her­sveit­ar­innar í Úkraínu er flókin og marglaga – líkt og saga lands­ins sjálfs. Það er erfitt hvar sé best að setja niður stjaka að upp­runa deild­ar­innar. Lík­leg­ast er best að byrja þegar rík­is­stjórn Viktors Yanukovych féll í kjöl­far Maidan-bylt­ing­ar­innar. 

Mannskæð mót­mæli brut­ust út í Kænu­garði árið 2014 eftir að for­set­inn hætti við samn­ing um nán­ara sam­band Úkraínu við Evr­ópu­sam­bandið og ákvað að und­ir­rita þess í stað starfs­samn­ing við Rússland. Til átaka kom á milli mót­mæl­enda og lög­reglu. For­set­inn flúði til Rúss­lands og var leystur frá störfum. Rúss­neskt her­lið réð­ist síðan inn í Krím­skaga og inn­lim­aði í Rússland, auk þess sem her­lið Rússa var sent í Donbas-héröðin í aust­ur­hluta Úkraínu til að efla hreyf­ingar aðskiln­að­ar­sinna sem höfn­uðu stjórn­ar­skipt­unum og vildu aukið sam­starf við Rússland. 

Sjálfboðasveit Azov

Eftir upp­reisn­ina á Maidan-torgi tók Andriy Biletsky, fyrsti leið­togi Azov-deild­ar­innar, þátt í að stofna „Svörtu her­sveit­ina“ ásamt með­limum aðdá­enda­klúbbs fót­boltaliðs­ins FC Metalist í Kharkiv. …