Sökum þess að nýi Herj­ólfur IV er kom­inn í slipp vegna skrúfu­bil­unar og Herj­ólfur III siglir á milli Vest­manna­eyja og Þor­láks­hafnar á meðan, ákvað Vega­gerðin að semja við Icelandair um að halda úti dag­legu flugi milli Reykja­víkur og Vest­manna­eyja frá 30. nóv­em­ber til 6. des­em­ber. 

Óljóst er hvað Icelandair mun fá greitt fyrir verk­efnið, sam­kvæmt svari Vega­gerð­ar­innar við fyr­ir­spurn Heim­ild­ar­innar, en greiðslur til Icelandair ráð­ast af því hversu miklar tekjur félags­ins verða af flug­inu. Uppgjör vegna þessa samn­ings við Icelandair ætti að fara fram eftir 3–4 vikur.

Auk þess sem ríkið nið­ur­greiðir flug­ferðir Icelandair til Vest­manna­eyja þessa daga munu flug­far­þegar með lög­heim­ili í Eyjum geta notið 40 pró­sent afsláttar af flug­inu, í gegnum afslátt­ar­kerfi Loft­brúar.

Ekki siglt í Landeyjahöfn

Herj­ólfur IV er í slipp í Hafn­ar­firði, en alvar­leg bilun kom upp í skrúfu­bún­aði skips­ins 22. nóv­em­ber sem leiddi til þess að önnur skrúfan var alveg óvirk. Skipið sigldi nokkra daga …