„Ég legg til að það verði fundin önnur leið fyrir þessa vega­gerð eða sleppa henni alveg,” segir Anna Kristín Björns­dóttir sem er meðal þeirra tuga höf­uð­borg­ar­búa sem tjáð hafa skoðun sína á Sunda­braut í tengslum við útgáfu mats­á­ætl­unar fram­kvæmd­ar­innar. Sú ætlun er fyrsta skrefið í umhverf­is­mati sem á að ljúka á næsta ári.

Og Anna Kristín er ekki ein um þessa skoðun. „Göng alla leið eða ekki neitt“ er álit margra og núll-kostur, það að byggja ein­fald­lega ekki Sunda­braut, sömu­leiðis. Eða eins og Dagur Páll Amm­endrup orðar það: „Þessi fram­kvæmd mun skemma úti­vist­ar­svæðið í Gufunesi. Notum pen­ing­inn í annað.”

Sunda­braut hefur verið á teikni­borð­inu í fleiri ára­tugi í einni eða annarri mynd. Þetta er ekki í fyrsta sinn sem hún er tekin til mats á umhverf­is­á­hrifum, hin áform­aða þjóð­braut sem myndi …