Þessi grein birtist fyrir meira en ári.

Hvalveiðiskipin haldin til veiða

Síð­deg­is í gær héldu skip Hvals hf., Hval­ur 8 og Hval­ur 9, til veiða frá hval­stöð­inni í Hval­firði. „Von­brigði,“ seg­ir fram­kvæmda­stjóri sjáv­ar­vernd­un­ar­sam­tak­anna Hard to Port. Ljós­mynd­ari frá þeim fylgd­ist með brott­för skip­anna hand­an raf­magns­girð­ing­ar.

Hvalveiðiskipin haldin til veiða
Út á miðin Hvalveiðiskipin tvö á leið til veiða síðdegis í gær. Auk áhafna eru eftirlitsmenn frá Fiskistofu um borð sem munu taka upp veiðarnar. Mynd: Boris Niehaus/Hard To Port

Skip Hvals hf., Hvalur 8 og Hvalur 9, héldu til veiða frá hvalstöðinni síðdegis í gær. Þau sigldu lygnan sjó út Hvalfjörðinn, hlaðin sprengjuskutlum til veiða á langreyðum undan ströndum Íslands. Fyrirtækið hefur leyfi til veiða á 161 dýri í ár.

Á förumKristján Loftsson, forstjóri Hvals, ekur frá hvalstöðinni skömmu áður en skip hans tvö héldu til veiða.

Til stóð að vertíð Hvals hf. hæfist í júní en degi áður en skipin héldu út á miðin ákvað Svandís Svavarsdóttir matvælaráðherra að stöðva veiðar tímabundið. Tímann til hausts átti að nýta til að ganga úr skugga um að hægt væri að veiða langreyðar í samræmi við lög um dýravelferð. Fagráð um dýravelferð hafði nokkru áður komist að því að slíkt væri ómögulegt með þeim aðferðum og við þær aðstæður sem veiðarnar eru stundaðar.

Starfshópur sem Svandís skipaði skilaði skýrslu í lok ágúst og taldi „ekki unnt að útiloka“ að tillögur Hvals hf. að umbótum við veiðarnar „verði betur til þess fallnar en eldri aðferðir að fækka frávikum“. Umbæturnar, sem tilteknar eru í nýrri reglugerð, felast m.a. í að nota ljós við mið, að skjóta aðeins á dýrin ef færið er innan við 25 metrar, að stunda veiðar eingöngu í dagsbirtu, að skima eftir kálfum í fylgd dýra sem skyttur hafa í sigtinu og í hertara eftirliti og skráningu frávika við veiðarnar.

Svandís ákvað, í ljósi niðurstöðu starfshópsins, að heimila veiðar á ný. Var sú ákvörðun harðlega gagnrýnd og komu tvær konur í veg fyrir brottför skipa Hvals hf. frá Reykjavíkurhöfn í byrjun viku með því að koma sér fyrir í tunnum í möstrum skipanna. Þar dvöldu þær í 33 klukkustundir.

Við ReykjavíkurhöfnTvær konur stöðvuðu brottför hvalveiðibátanna tveggja frá Reykjavíkurhöfn með því að koma sér fyrir í möstrum þeirra í 33 klukkustundir.

Er þær höfðu komið niður, eftir að lögregla hafði ítrekað reynt að fá þær til þess, voru vélar skipanna ræstar og þeim siglt að hvalstöðinni í Hvalfirði þar sem veiðarfæri og vistir voru teknar um borð. Um klukkan 17 í gær héldu þau svo út á miðin. Auk áhafnar er einnig eftirlitsmaður frá Fiskistofu um borð sem mun líkt og á seinni hluta síðustu vertíðar taka upp veiðarnar.

Í fyrrasumar fylgdust félagar í Hard to Port náið með í hvert skipti sem langreyður var dregin á land í hvalstöðinni. Þeir mynduðu m.a. þegar fóstur voru skorin úr kúm, dýr með marga sprengjuskutla í sér og þegar ósprungnir skutlar voru fjarlægðir úr skrokkum þeirra.

Sprungu ekkiÁ síðustu vertíð voru dæmi um að skutlar sprungu ekki og að skjóta hafi þurft dýr ítrekað.

Nú hefur Hvalur hf. komið upp sterkbyggðum rafmagnsgirðingum umhverfis hvalstöðina og ber óviðkomandi, þ.e. þeim sem ekki vinna hjá fyrirtækinu, að halda sig utan hennar – í meiri fjarlægð frá hvalskurðarplaninu en áður.

„Það eru mikil vonbrigði og veldur áhyggjum að sjá að tvö eldgömul skip Hvals hf. hafa fengið leyfi til að veiða hvali á ný eftir allt það sem dregið hefur verið fram í dagsljósið um starfsemi þeirra undanfarið ár,“ segir Arne Feuerhahn, framkvæmdastjóri Hard to Port, við Heimildina. „Við getum ekkert gert nema vonað að óhagstætt veður muni vernda hvalina á komandi vikum.“

Leyfi í gildi út árið

Kristján Þór Júlíusson, þáverandi sjávarútvegsráðherra, endurnýjaði leyfi Hvals hf. til veiða á langreyðum árið 2019. Fyrstu þrjú árin var ekkert veitt en í fyrra voru veiddar 148 langreyðar á 100 daga vertíð sem lauk 28. september. Leyfið gildir út árið 2023.

RafmagnaðÍ vor var komið upp rammgerðri rafmagnsgirðingu umhverfis hvalstöðina í Hvalfirði.

Svandís setti í fyrrasumar reglugerð um hert eftirlit með veiðunum. Var það gert í kjölfar þess að Hard to Port upplýsti um mörg frávik líkt og hér að framan er rakið. Við myndavélaeftirlit það sem hófst síðari hluta vertíðarinnar kom í ljós að veiðar stóðu í einhverjum tilvikum fram í myrkur, að dýr voru skotin margsinnis og að dauðastríð þeirra gat staðið klukkustundum saman. Í að minnsta kosti einu tilviki sleit dýr sem skotið hafði verið línu og hvarf sært veiðimönnunum sjónum.

Ef vel ber í veiði fyrir áhafnirnar á Hval 8 og Hval 9, má gera ráð fyrir að fyrstu langreyðarnar verði dregnar á land í hvalstöðinni í Hvalfirði í kvöld eða nótt.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Hvalveiðar

Mest lesið

Mest lesið

Mest lesið í vikunni

Indriði Þorláksson
3
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár