Á Íslandi flæða þús­undir millj­arða króna um æðar atvinnu­lífs­ins á hverju ári. Ákvarð­anir eru teknar dag­lega um hvert þessir fjár­munir eigi að fara, hvaða verk­efni eigi að fá tæki­færi og hver þyki ekki nægi­lega eft­ir­sókn­ar­verð til að gefa vængi. 

Þessum pen­ingum, og kerf­unum sem þeir flæða í gegnum, er stýrt af ein­stak­lingum af holdi og blóði. Þorra þeirra er, og hefur verið, stýrt af körlum. Þetta hefur komið fram í úttektum sem Heim­ildin, og annar fyr­ir­renn­ara hennar, hafa fram­kvæmt síð­ast­lið­inn ára­tug. Oftar en ekki hafa í kringum níu af hverjum tíu æðstu stjórn­endum í íslenska pen­inga­heim­inum verið karlar. 

Þeim störfum sem úttektin tekur til í ár fjölgar nokkuð. Þau voru 104 í fyrra en eru nú 115. Það má meðal ann­ars rekja til þess að eft­ir­lits­skyldir rekstr­ar­að­ilar sjóða eru nú fleiri og skráðum félögum hefur fjölgað. Fyrir vikið nær úttektin til næstum ell­efu pró­sent fleiri starfa en á árinu 2022. …