Stuðn­ingur við rík­is­stjórn Katrínar Jak­obs­dóttur hefur aldrei mælst minni í Þjóð­ar­púlsi Gallup, en 42 pró­sent segj­ast nú styðja rík­is­stjórn­ina, sam­kvæmt því sem fram kemur á vef RÚV. Þegar rík­is­stjórnin tók við síðla árs 2017 mæld­ist stuðn­ingur við hana 74 pró­sent og eftir að hún end­ur­nýj­aði stjórn­ar­sam­starfið haustið 2021 mæld­ist hann 62,2 pró­sent. Síðan þá hefur hann hríð­fallið. 

Sam­an­lagt fylgi rík­is­stjórn­ar­flokk­anna mælist nú 40,1 pró­sent sem myndi skila þeim um 26 þing­mönnum. Þeir eru því langt frá því að mæl­ast með þann 32 manna þing­manna­meiri­hluta sem þarf til að vera með yfir­hönd­ina á Alþingi. Í síð­ustu kosn­ingum fengu flokk­arnir þrír: Sjálf­stæð­is­flokkur, Fram­sókn­ar­flokkur og Vinstri græn 54,3 pró­sent atkvæða og 37 þing­menn. Þeir hafa því tapað 14,2 pró­sentu­stigum og ell­efu þing­mönnum á því tæp­lega einu og hálfu ári sem liðið er af kjör­tíma­bil­inu. 

Mestu hefur Fram­sókn­ar­flokk­ur­inn tapað, eða 6,5 pró­sentu­stigum. Fylgi flokks­ins mælist nú 10,8 pró­sent. Vinstri græn hafa tapað 5,8 pró­sentu­stigum og mæl­ast með ein­ungis 6,8 pró­sent fylgi. Það er þriðji mán­uð­ur­inn í röð sem fylgi flokks for­sæt­is­ráð­herra mælist svo lágt, en um er að ræða lægsta fylgi sem Vinstri græn hafa mælst með í könn­unum Gallup, sem ná aftur til árs­ins 2004.

Sjálf­stæð­is­flokk­ur­inn er sá stjórn­ar­flokkur sem heldur best á fylgi sínu, en það mælist nú 22,5 pró­sent. Það er tæpum tveimur pró­sentu­stigum undir kjör­fylgi og yrði versta nið­ur­staða flokks­ins í sög­unni ef hún kæmi upp úr kjör­köss­unum. Þá hefur Sjálf­stæð­is­flokk­ur­inn misst stöðu sína sem stærsti flokkur lands­ins sam­kvæmt könn­unum á und­an­förnum mán­uðum.

Samfylkingin stærst annan mánuðinn í röð

Sam­fylk­ingin mælist nú stærsti flokkur lands­ins annan mán­uð­inn í röð í Þjóð­ar­púlsi Gallup. Fylgi flokks­ins mælist nú 24 pró­sent og dalar lít­il­lega milli mán­aða. Sam­fylk­ingin mæld­ist stærsti flokkur lands­ins í fyrsta sinn síðan 2009 í síð­asta mán­uði. 

Fylgi flokks­ins hefur farið hratt upp á við eftir að Kristrún Frosta­dóttir til­kynnti um for­manns­fram­boð í Sam­fylk­ing­unni í ágúst 2022, en hún var kjörin for­maður flokks­ins í októ­ber. Alls mælist Sam­fylk­ingin nú með 14,1 pró­sentu­stigum meira fylgi en flokk­ur­inn fékk í kosn­ing­unum í sept­em­ber 2021. Sam­fylk­ingin hefur því bætt við sig nán­ast sama fylgi og rík­is­stjórn­ar­flokk­arnir hafa tapað á kjör­tíma­bil­inu sem myndi skila henni 17 þing­mönnum, eða ell­efu fleiri en hún hefur nú. 

Tveir aðrir flokkar utan Sam­fylk­ing­ar­innar hafa bætt við sig fylgi á yfir­stand­andi kjör­tíma­bili. Píratar mæl­ast með 12,1 pró­sent og Sós­í­alista­flokkur Íslands með fimm pró­sent.

Fylgi Við­reisnar mælist 7,6 pró­sent, sem er lít­il­lega undir kjör­fylgi, og Flokkur fólks­ins mælist með 5,6 pró­sent, sem er 3,2 pró­sentu­stigum minna en flokk­ur­inn fékk í sept­em­ber 2021. Þá mælist fylgi Mið­flokks­ins 5,5 pró­sent.

Könnunin var gerð dag­ana 1.–28. febr­úar 2023 og voru ein­stak­lingar í úrtaki valdir af handa­hófi úr Við­horfa­hópi Gallup. Úrtakið var 9.517 manns en þátt­töku­hlut­fall 49,6%. Könnunin var net­könnun.