Öðlaðist nýtt líf með breyttum venjum

Arnrún María seg­ist hafa haft gaman af að hreyfa sig, en hindr­an­irnar hafi verið margar. Í fyrsta lagi hafi hún verið með mikla minni­mátt­ar­kennd yfir því hvernig hún er vaxin. Þess vegna hafi hún ekki haft trú á sér þegar kom að hreyf­ingu. Síðan hafi hún talið sér trú um að hreyf­ingin sem fylgdi vinn­unni á veit­inga­staðnum sem hún rak hafi verið nægj­an­leg. „Maður var á fullu að vinna í kannski 17 til 18 tíma á dag. Einhvern veg­inn ákvað ég að það væri málið.“

Arnrún María Magn­ús­dóttir fékk árið 2016 blóð­tappa í höf­uðið og lam­að­ist vinstra megin og þurfti að læra að ganga og tala upp á nýtt og tók það ferli nokkra mán­uði. Hún seg­ist alltaf hafa tekið allt á hnef­anum og nokkrum mán­uðum eftir að hún veikt­ist byrj­aði hún í 100% vinnu á ný en hún hafði í gegnum árin meðal ann­ars rekið eigið veit­inga­hús og …