Þessi grein birtist fyrir meira en ári.

„Hótuðu því að taka sketsinn úr Skaupinu ef við samþykktum ekki“

Söngv­ar­ar sem tóku upp lag­ið í poka at­riði Ára­móta­s­kaups­ins voru snuð­að­ir um greiðslu fyr­ir. Í stað þess að greiða hverj­um og ein­um rúm­ar 50 þús­und krón­ur eins og kjara­samn­ing­ar gera ráð fyr­ir hugð­ust fram­leið­end­ur greiða hverj­um söngv­ara rúm­ar 5.000 krón­ur. Þeg­ar far­ið var fram á að greitt yrði sam­kvæmt taxta hót­uðu fram­leið­end­ur að taka at­rið­ið út úr Skaup­inu.

„Hótuðu því að taka sketsinn úr Skaupinu ef við samþykktum ekki“
Stóð tæpt með eitt vinsælasta atriðið Framleiðendur Áramótaskaupsins hótuðu því að taka atriðið um konuna sem gleymdi poka úr Skaupinu ef tónlistarfólkið héldi fast við launakröfur sínar. Áður hefur komið fram hjá Dóru Jóhannsdóttur leikstýru að framleiðendurnir hafi viljað hætta við að taka atriðið upp. Mynd: RÚV

Framleiðendur Áramótaskaupsins neituðu að greiða söngvurunum sem tóku upp lagið um konuna sem gleymdi poka fyrir vinnu sína samkvæmt taxta. Það gerðu þeir þrátt fyrir samskipti milli tónlistarstjóra Skaupsins og forsvarsmanna sönghópsins Kyrju, þar sem fram kom að greitt yrði samkvæmt samningum. Samkvæmt taxta hefði átt að greiða söngvurunum rúmar 50 þúsund krónur hverjum en framleiðendurnir hugðust greiða sönghópnum það í heildina. Þá hótuðu framleiðendur Skaupsins því að atriðið yrði tekið úr Skaupinu, héldi sönghópurinn fast við kröfur sínar.

Ljóst virðist að þrátt fyrir mikla og almenna ánægju landans með Áramótaskaupið 2022 hafa ýmsar brotalamir verið í framleiðslunni. Þannig greindi Heimildin frá því að Dóra Jóhannsdóttir, leikstjóri Skaupsins, hefði sent RÚV skýrslu þar sem hún kvartaði yfir óeðlilegri framgöngu framleiðslufyrirtækisins S800 sem framleiddi Skaupið. Framleiðendur þess voru Sigurjón Kjartansson, Eiður Birgisson og Hjörtur Grétarsson. Þá greindi Heimildin einnig frá því að aðeins munaði hársbreidd að Spaugstofan neitaði að taka þátt í Skaupinu, þar sem ekki átti að borga meðlimum fyrir vinnu þeirra.

Tónninn breyttist eftir upptökur

Svipað var uppi á teningunum varðandi sönghópinn Kyrju, sem fenginn var til að syngja hið alþekkta lag Páls Ísólfssonar, Brennið þið vitar, með nýjum texta sem fjallaði um skömm þá sem kona, leikin af Sögu Garðarsdóttur, gerðist uppvís að þegar hún gleymdi að taka með sér innkaupapoka í ferð í matvöruverslun.

„Það var haft samband við okkur og við beðin um að syngja þetta,“ segir Sólveig Sigurðardóttir, sem er hluti af listrænu teymi Kyrju. Kyrja er aðeins skipuð karlsöngvurum en framleiðendur Skaupsins óskuðu eftir að það yrðu einnig kvenraddir í söngnum og sungu því Sólveig og Ragnheiður Sara Grímsdóttir einnig á upptökunni auk þess sem Sólveig útsetti lagið.  

Kyrju meðlimir voru á samskiptum við tónlistarstjóra Skaupsins, Ásgeir Orra Ásgeirsson, varðandi verkefnið, þar á meðal greiðslur fyrir það. „Svarið var að það væru til staðar taxtar sem RÚV færi eftir og vísað í kjarasamning FÍH og RÚV. Í þeim er skýrt að greiðslan ætti að vera í kringum 50 þúsund krónur á mann. Svo við gerum þetta. Síðan, þegar búið var að taka upp sönginn, fórum við að spyrjast fyrir um fyrirkomulag á greiðslum, hvort við ættum að rukka í einu lagi sem Kyrja eða hvort við ættum hvert og eitt að senda reikning. Þá kom svarið: Nei, við borgum kór eins og einum einstaklingi,“ segir Sólveig.

Alls tóku tíu manns þátt í upptökunum á laginu, átta söngvarar úr Kyrju og þær Sólveg og Ragnheiður Sara. Hefði því verið greitt eins og framleiðendur Skaupsins ætluðu sér hefði hver söngvari fengið í sinn hlut 5.376 krónur.

Skýrt er í samningi milli RÚV og Félags íslenskra hljómlistarmanna, FÍH, að greiða á hverjum tónlistarmanni sérstaklega en ekki kórum eða hljómsveitum sameiginlega. Þá rímar þessi nálgun alls ekki við þau skilaboð sem fóru á milli Ásgeirs Orra og Kyrju. Þar sagði: „[...]Upphæð pr. mann er 53.758.- kr. Einungis er greitt fyrir þá sem koma fram í atriðinu.“ Þetta er greiðslan fyrir kórinn sem ég réð í síðasta verkefni fyrir RÚV.“

Miðað við einstaklingaEins og sjá má á samskiptum tónlistarstjóra Skaupsins við Kyrju var í upphafi gert ráð fyrir að hverjum flytjanda yrðu greiddar rúmar 50 þúsund krónur.

Engin vafi að borga á tónlistarfólki samkvæmt FÍH

Gunnar Hrafnsson, formaður FÍH, var upplýstur um málið af hálfu Kyrju. Hann segir í samtali við Heimildina að enginn vafi sé á því að greiða skuli hverjum flytjanda sérstaklega, samkvæmt kjarasamningi RÚV og FÍH. Þá er meira að segja tilgreint í samningnum að semja skuli sérstaklega um greiðslu fyrir útsetningar á tónlist. Gunnar segir að enginn ágreiningur sé um þetta milli FÍH og RÚV.

„Þetta er algjör svívirða“
Gunnar Hrafnsson
Formaður FÍH
Gunnar HrafnssonFormaður FÍH

Hins vegar hafi RÚV vísað frá sér ábyrgð í málum þar sem samið hafi verið við verktaka, framleiðanda, um ákveðin verkefni. Því er Gunnar alveg ósammála. „Ég held því fram að þeir beri keðjuábyrgð, þeir beri ábyrgð á því að fólk fái greitt samkvæmt þessum kjarasamningi. Í samtali mínu við Stefán Eiríksson útvarpsstjóra kom hins vegar fram að það sé skilningur Ríkisútvarpsins að þeir geti samið við hvern sem er um framleiðslu á efni, fyrir ákveðna upphæð, sem eru augljóslega það sem gerðist varðandi Áramótaskaupið. Svo segi þeir bara: Það er síðan þitt mál að díla við hvað þú ætlar að borga fólki og þar með kemur það RÚV ekki frekar við.“

Gunnar segir að nú sé að fara fyrir félagsdóm mál af þessu tagi, fyrir hönd 20 einstaklinga sem hver um sig spiluðu á milli 50 og 60 mínútur af útvarpsefni en fengu aðeins greiddar tíu þúsund krónur hver frá Jazzhátíð Reykjavíkur, í verktakagreiðslu. „Þetta er algjör svívirða,“ segir Gunnar og bætir að hann voni mjög heitt að umrætt mál falli tónlistarmönnum í vil.

Atvinnumenn í söng

Ljóst er, af samskiptum Kyrju og framleiðenda Skaupsins, að upphaflega stóð til að greiða hverjum söngvara eftir taxta kjarasamningsins. Eftir að upp rann fyrir framleiðendum að kostnaðurinn við það næmi rúmri hálfri milljón og þeir hugðust því sleppa úr snörunni, hefði hver söngvari sem fyrr segir fengið í sinn hlut rúmar fimm þúsund krónur, fyrir að hafa útsett, æft og tekið upp lagið, með stuttum fyrirvara og á skömmum tíma. „Það er náttúrulega fáránlegt. Það vinnur enginn annar svona. Við vorum vitanlega ekki sátt við þetta enda vorum við skýr í samskiptum og fengum upplýsingar um að það ætti að greiða eftir samningi,“ segir Sólveig.

„Við vorum búin að vinna vinnuna og fyrir hana hefði átt að borga“
Sólveig Sigurðardóttir
Um hótanir framleiðenda Skaupsins þess efnis að atriðið yrði ekki með.
Segir lítið gert úr hópnumSólveig segir framgöngu framleiðenda Skaupsins ekki sæmandi.

Öll þau sem tóku þátt í atriðinu eru atvinnufólk í músík, segir Sólveig. „Að svo miklu leyti sem það eru atvinnumenn í söng á Íslandi þá er þetta fólk allt atvinnumenn í söng. Ég vinn alfarið við tónlist og ég myndi segja að slíkt hið sama eigi við um alla vega helming hópsins. Við erum öll sprenglærðir og reyndir músíkantar. Þess vegna er alveg hlálegt að segja að ef það hefði verið vitað hvað þetta myndi kosta, þá hefðu bara verið fengnir einn eða tveir söngvarar, sem var það sem var sagt við okkur þegar við fórum að inna eftir greiðslunum. Þetta gerir mjög lítið úr okkar vinnu. Við unnum þetta með mjög litlum fyrirvara, mjög hratt og mjög vel. Það eru svona hlutir sem þú færð þegar þú færð atvinnufólk í vinnu.“

Hrósar samskiptum við Dóru leikstjóra

Það samdist á endanum um að greiðslan var hækkuð upp í 100 þúsund krónur fyrir allan hópinn, fyrir upptökuna, og að greiddar yrðu 100 þúsund krónur fyrir leik söngvaranna í atriðinu sjálfu. Það gerðist þó ekki fyrr en eftir að framleiðendur hótuðu því að atriðið yrði hreinlega ekki með. „Þeir hótuðu því að taka sketsinn úr Skaupinu ef við samþykktum ekki. Það er vitanlega út í hött, því við vorum búin að vinna vinnuna og fyrir hana hefði átt að borga, alveg sama hvort atriðið yrði sýnt eða ekki. Þeir notuðu það sem röksemd að við værum að fá kynningu á okkur með því að vera í Skaupinu. Sú kynning er samt mjög takmörkuð því við erum auðvitað ekki að koma fram í atriðinu undir nafni. Svo var það þannig að í kreditlistanum stóð Kyrja en nöfnin okkar kvennana komu ekki fram, hvorki mitt nafn né nafn Ragnheiðar Söru Grímsdóttur,“ segir Sólveig enn fremur og bætir við að þar sé sannarlega ekki við tónlistarfólkið sjálft að sakast, listi með nöfnum þeirra allra hafi verið sendur á framleiðendur.

Sólveig nefnir sérstaklega að söngvararnir séu á engan hátt ósáttir við Dóru Jóhannsdóttur leikstjóra Skaupsins, óánægja þeirra beinist eingöngu gegn framleiðendum Skaupsins. „Við vitum að Dóra vissi ekki af þessu og við höfum ekkert við hana sakast, hvorki Dóru né Sögu [Garðarsdóttur]. Öll okkar samskipti við þær voru mjög góð, á allan hátt.“

Sólveig segir að eftir því sem fleira hafi komið fram um vinnubrögð framleiðenda við vinnslu Skaupsins sjáist hvernig mynstrið sé. „Það að Dóra hafi ekki fengið að sjá fjárhagsáætlun, það hvernig málum var háttað varðandi lokalagið, það púslast ýmislegt saman. Eftir á að hyggja líka, þegar kom fram að Dóra og Saga hefðu þurft að berjast sérstaklega fyrir því að halda þessum skets inni í Skaupinu, þá vorum við fegin að hafa samþykkt þetta og að atriðið hélst inni í Skaupinu, þeirra vegna.“

Fyrirvari: Einn meðlima sönghópsins Kyrju, Jón Ingi Stefánsson, er starfsmaður Heimildarinnar og í eigendahóp fjölmiðilsins.

Kjósa
55
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • HR
    Hildigunnur Rúnarsdóttir skrifaði
    Þetta er svo gersamlega fráleitt. Ætla rétt að vona að þetta framleiðslufyrirtæki fái aldrei aftur samning við RÚV.
    9
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Átök í Áramótaskaupinu

Munaði hársbreidd að Spaugstofan hætti við þátttöku í Skaupinu
FréttirÁtök í Áramótaskaupinu

Mun­aði hárs­breidd að Spaug­stof­an hætti við þátt­töku í Skaup­inu

Spaug­stofu­mönn­um var til­kynnt af fram­leið­end­um Ára­móta­s­kaups­ins að þeir fengju ekki borg­að fyr­ir þátt­töku sína held­ur yrði pen­ing­um veitt til Mæðra­styrksnefnd­ar. Leik­arn­arn­ir leit­uðu til stétt­ar­fé­lags síns vegna þessa. Fram­kvæmda­stjóri stétt­ar­fé­lags­ins seg­ir það hvernig stað­ið var að mál­um „gjör­sam­lega gal­ið“.
Skaupið í hættu eftir að framleiðendur hættu samskiptum
FréttirÁtök í Áramótaskaupinu

Skaup­ið í hættu eft­ir að fram­leið­end­ur hættu sam­skipt­um

Leik­stjóri Skaups­ins kvart­aði til RÚV und­an fram­göngu fram­leiðslu­fyr­ir­tæk­is­ins sem gerði ára­móta­s­kaup­ið. Þrýst­ing­ur um að taka Skaup­ið í nýja mið­bæn­um á Sel­fossi, duld­ar aug­lýs­ing­ar og fal­in fjár­hags­áætl­un varð til þess að upp úr sauð. Reynt var að afmá Ölfusár­brú út úr senu, eft­ir að Sig­ur­jón Kjart­ans­son sagði rangt frá um að eng­ar úti­tök­ur hefðu far­ið fram á Sel­fossi.

Mest lesið

Sökktu kurli og seldu syndaaflausn
1
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
„Takk fyrir að gefa stað sem er nú rannsakaður fyrir mansal svona góð ummæli“
4
Fréttir

„Takk fyr­ir að gefa stað sem er nú rann­sak­að­ur fyr­ir man­sal svona góð um­mæli“

At­hygl­is­verð um­mæli hafa birst und­ir net­gagn­rýni um Gríska hús­ið á Google. Þar virð­ist veit­inga­stað­ur­inn, sem var lok­að­ur af lög­reglu í gær vegna gruns um man­sal, þakka ánægð­um við­skipta­vin­um fyr­ir að veita staðn­um já­kvæð um­mæli þrátt fyr­ir man­sal­ið. Gríska hús­ið hef­ur al­mennt ver­ið dug­legt að svara gagn­rýn­end­um sín­um full­um hálsi á net­inu.
Running Tide hætt starfsemi í Bandaríkjunum
5
FréttirRunning Tide

Runn­ing Tide hætt starf­semi í Banda­ríkj­un­um

Marty Od­lin, stofn­andi og for­stjóri Runn­ing Tide í Banda­ríkj­un­um, hef­ur til­kynnt að starf­semi fyr­ir­tæk­is­ins hafi ver­ið lögð nið­ur. Sömu sögu er að segja af dótt­ur­fé­lagi þess á Akra­nesi. Í nýj­asta tölu­blaði Heim­ild­ar­inn­ar var fjall­að um að­gerð­ir Runn­ing Tide hér á landi. Þær fólust í því að henda kanadísku timb­urk­urli í haf­ið inn­an lög­sögu Ís­lands.
Sambúðin sem sært hefur VG nánast til ólífis
8
GreiningRíkisstjórn Katrínar Jakobsdóttur

Sam­búð­in sem sært hef­ur VG nán­ast til ólíf­is

Vinstri græn sungu há­stöf­um á lands­fundi sín­um fyr­ir rúmu ári: „Það gæti ver­ið verra.“ Nú hef­ur það raun­gerst. Flokk­ur­inn skrap­ar botn­inn í fylg­is­mæl­ing­um og hef­ur ekki sam­mælst um nýja for­ystu eft­ir brott­hvarf eins vin­sæl­asta stjórn­mála­manns lands­ins og flokk­ur­inn skrap­ar botn­inn í fylg­is­mæl­ing­um. Hvort flokk­ur­inn sé nægi­lega sterk­ur til að spyrna sér upp og forða sér frá út­rým­ingu á eft­ir að koma í ljós.
„Ég mun hrópa hallelúja uppi í Hallgrímskirkjuturni þegar þessi ríkisstjórn hefur lagt upp laupana“
10
Stjórnmál

„Ég mun hrópa hallelúja uppi í Hall­gríms­kirkjut­urni þeg­ar þessi rík­is­stjórn hef­ur lagt upp laup­ana“

Inga Sæ­land, formað­ur Flokks fólks­ins, ætl­ar að fara upp í Hall­gríms­kirkjut­urn og „hrópa hallelúja“ þeg­ar rík­is­stjórn Sjálf­stæð­is­flokks, Fram­sókn­ar­flokks og Vinstri grænna legg­ur upp laup­ana. Mið­flokk­ur­inn íhug­ar að leggja fram van­traust á mat­væla­ráð­herra eft­ir helgi. Þing­mað­ur Við­reisn­ar styð­ur til­lög­una.

Mest lesið

Mest lesið í vikunni

Sökktu kurli og seldu syndaaflausn
1
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Bankarnir búnir með alla sénsa - peningaþvættisvarnir í ólestri
7
FréttirPeningaþvætti

Bank­arn­ir bún­ir með alla sénsa - pen­inga­þvættis­varn­ir í ólestri

Tæp­lega 600 millj­ón króna sátt Ís­lands­banka við yf­ir­völd vegna ónógra pen­inga­þvættis­varna er til marks um að bæði séu séns­ar eft­ir­lits­að­ila á þrot­um og að mun hærri sekt­ir verði lagð­ar á fyr­ir­tæki en áð­ur. Ari­on banki er næst­ur, en óljóst er hversu há sú sekt verð­ur. Fyr­ir tveim­ur ár­um greiddi Salt­Pay rúm­lega tíu sinn­um lægri sekt fyr­ir mun al­var­legri brot.
„Takk fyrir að gefa stað sem er nú rannsakaður fyrir mansal svona góð ummæli“
8
Fréttir

„Takk fyr­ir að gefa stað sem er nú rann­sak­að­ur fyr­ir man­sal svona góð um­mæli“

At­hygl­is­verð um­mæli hafa birst und­ir net­gagn­rýni um Gríska hús­ið á Google. Þar virð­ist veit­inga­stað­ur­inn, sem var lok­að­ur af lög­reglu í gær vegna gruns um man­sal, þakka ánægð­um við­skipta­vin­um fyr­ir að veita staðn­um já­kvæð um­mæli þrátt fyr­ir man­sal­ið. Gríska hús­ið hef­ur al­mennt ver­ið dug­legt að svara gagn­rýn­end­um sín­um full­um hálsi á net­inu.

Mest lesið í mánuðinum

Auður Jónsdóttir
1
Skoðun

Auður Jónsdóttir

Þið er­uð óvit­ar! ­– hlust­ið á okk­ur

Það er andi elí­tísma í kring­um kosn­inga­bar­áttu Katrín­ar Jak­obs­dótt­ur. Nafn­tog­að­ir lista­menn, áhrifa­fólk í sam­fé­lag­inu og stjórn­mál­um jafnt sem vél­virkj­ar þaul­setn­asta stjórn­mála­flokks lands­ins leggj­ast á eina sveif með henni. Fyr­ir vik­ið eru kosn­ing­arn­ar áhuga­verð fé­lags­fræði­leg stúd­ía af því að í þeim af­hjúp­ast sam­taka­mátt­ur þeirra sem vald og raddsvið hafa – á ólík­um svið­um.
Sökktu kurli og seldu syndaaflausn
3
RannsóknRunning Tide

Sökktu kurli og seldu synda­af­lausn

„Ýttu á takk­ann og bjarg­aðu heim­in­um,“ skrif­ar vís­inda­mað­ur af kald­hæðni er hann bend­ir um­hverf­is­ráðu­neyt­inu á var­úð­ar­orð ut­an úr heimi um að­ferð­ir sem fyr­ir­tæk­ið Runn­ing Tide fékk leyfi stjórn­valda til að prófa í þágu lofts­lags í Ís­lands­höf­um. Að­gerð­irn­ar umbreytt­ust í allt ann­að en lagt var upp með. Þær voru án alls eft­ir­lits og gerðu svo þeg­ar upp var stað­ið lít­ið ef nokk­urt gagn. „Ís­land er fyrsta land­ið í heim­in­um til að búa til kol­efnisein­ing­ar með kol­efn­is­bind­ingu í hafi,“ sagði fram­kvæmda­stjór­inn.
Saga af áralangri vanrækslu og vonleysi: „Þetta heitir Betra líf sko“
8
RannsóknBrostnar vonir á Betra lífi

Saga af ára­langri van­rækslu og von­leysi: „Þetta heit­ir Betra líf sko“

Slökkvi­lið­ið hef­ur sent kæru til lög­reglu á hend­ur Arn­ari Gunn­ari Hjálm­týs­syni fyr­ir að hafa stefnt lífi og heilsu íbúa áfanga­heim­il­is­ins Betra líf í Vatna­görð­um í hættu eft­ir að eld­ur kvikn­aði þar í fe­brú­ar í fyrra. Áfanga­heim­il­ið flutti þá upp í Kópa­vog. Í styrk­umsókn til Reykja­vík­ur fór Arn­ar með rang­færsl­ur en fékk engu að síð­ur rúm­ar 24 millj­ón­ir fyr­ir rekst­ur­inn. Full­trúi fé­lags- og vinnu­mark­aðs­ráðu­neyt­is­ins lýsti áhyggj­um af eit­ur­lyfja­sölu og vændi á einu áfanga­heim­il­inu.
„Hann sagði við mig að ef mér mislíkaði þetta gæti ég bara flutt út“
9
FréttirBrostnar vonir á Betra lífi

„Hann sagði við mig að ef mér mis­lík­aði þetta gæti ég bara flutt út“

Sylwia Burzy­kowska leigði 12 fer­metra her­bergi á áfanga­heim­ili Betra lífs á Kópa­vogs­braut á 140 þús­und krón­ur á mán­uði sem hún þurfti að greiða í reiðu­fé. Hún skrif­aði und­ir ótíma­bund­inn leigu­samn­ing en hafði að­eins bú­ið þar í þrjá mán­uði þeg­ar hús­ið var rif­ið í byrj­un mán­að­ar­ins. Sylwia býr nú í tjaldi.

Mest lesið í mánuðinum

Nýtt efni

Mest lesið undanfarið ár

Loka auglýsingu