Fyrri aukaspurning:

Skoðið myndina hér að ofan. Hvað gerist næst?

***

Aðalspurningar:

1.  Sigríður Dögg Arnardóttir heitir kona ein sem reglulega kemur fram í fjölmiðlum að ræða atvinnu sína og áhugamál. Núorðið kallar hún sig reyndar ævinlega Siggu Dögg opinberlega, jafnt og í einkalífinu. Um hvað snýst hennar atvinna?

2.  Önnur Sigríður Dögg er Auðunsdóttir og birtist líka reglulega í fjölmiðlum. Hvar vinnur hún?

3.  Undarleg uppákoma varð á dögunum þegar Sigmundur Davíð formaður Miðflokksins vakti athygli á því að á glæru í skóla nokkrum virtist hann talinn til „merkra þjóðernissinna“ ásamt þýska foringjanum Adolf Hitler og Mussolini leiðtoga ítalskra fasista. Um hvaða skóla var hér að ræða?

4.  Hvað hét Mussolini annars að skírnarnafni?

5.  Hákarlar eru ekki beinfiskar, heldur kallast þeir ... hvað?

6.  Hvaða aðrir stórir fiskar flokkast einnig í þann sama flokk?

7.  Árið 2016 gaf íslenska hljómsveitin Milkywhale út fyrstu og hingað til einu plötu sína. Meðlimir voru tveir, Melkorka Sigríður og Árni Þór, og fluttu þau „súperpopp, ekta danstónlist“ eins og Melkorka sagði í blaðaviðtali. Nokkra athygli vakti að einn fremsti og verðlaunaðasti skáldsagnahöfundur þjóðarinnar samdi texta fyrir Milkywhale en textarnir voru allir á ensku. Hver var sá textahöfundur?

8.  Hvaða ár var tónlistarhátíðin Iceland Airwaves haldin fyrst? Hér má muna tveim árum til eða frá?

9.  Belgrad er höfuðborg ... hvaða ríkis?

10.  Umhverfis hvað snýst himinhnötturinn Deimos?

***

Seinni aukaspurning:

Hér má sjá stjórnmálamann sem nýlega hefur látið af störfum — ekki með glöðu geði. Hvað heitir hann?

***

Svör við aukaspurningum:

1.  Kynlíf.

2.  Hjá RÚV eða Kastljósi. Hvorttveggja er rétt. Kveikur er hins vegar ekki rétt, því Sigríður Dögg er ekki hluti af þeim fréttamannahópi.

3.  Verslunarskóli Íslands.

4.  Benito.

5.  Brjóskfiskar.

6.  Skötur.

7.  Auður Ava.

8.  1999 — svo rétt er 1997-2001.

9.  Serbíu.

10.  Mars.

***

Svör við aukaspurningum:

Rétt svar við fyrri spurningunni er að konan var myrt. Rétt má líka vera ef fólk vill svara að vatn hafi farið að renna því þetta er byrjunin á sturtusenunni frægu úr kvikmyndinni Psycho.

Á neðri myndinni er Bolsonaro, fyrrverandi forseti Brasilíu.